de ce que la journee n’avoit esté pour lui.
La vit on Anglois mettre François a grant
meschief et plusieurs François prisonniers
en la fin de la bataille et maint gentilhom
me mort, de quoy ce fut pitié. Quant
les Anglois orent les mors despoulliéz,
messire Jehan Harleston et les siens se parti
rent de la place et emmenerent leurs
prisonniers et leur gaing arriere dedens
Chierbourc. Si pouéz bien croire que les
Anglois menerent grant joye celle
nuyt de la bataille adventuree et journee
que Dieu leur avoit donnee. Si fut le dit
messire Guillaume des Bordes festié, conjoy
et aisié de ce que on pot faire car sa
personne le valoit bien. Ceste desconfi
ture fut entre Montbourc le jour saint
Martin le Bouillant, l’an mil CCC
LXXIX.
SHF 1A-795 sync Quant le roy de France sçot ces nou
velles que la garnison de Montbourc
et son capitaine estoient mors et prins
et que le paÿs estoit moult effrayé de
celle desconfiture, le roy, comme sage et
bien advisié et pourveu en tous ses affai
res, y pourvei tantost de remede et en
voia sans delay a Montbourc grant
gens d’armes derechief pour garder
les frontieres et les forteresses et le païs
a l’encontre de la garnison de Chierbourch
et furent chiefz de ses gens d’armes de
par le roy de France messire Jehan de Vi
enne et messire Hutin de Bremelles, et
tindrent les marches a l’encontre des
Anglois, mais depuis par l’ordonnance
du roy de France ilz abandonnerent Mont
bourc et tout le païs et tout le clos de
Constentin, qui estoit le plus grant païs
du monde et fist on toutes les gens,
hommes et femmes, traire hors du païs
du dit clos de Constentin et abandonnerent