SHF 1-18 sync
Comment messire Hue le Despensier le jenne ot la teste trenchiee et mis an quatre quartiers. XXV.
Quant la feste fut passee, le dit
messire Hue, qui point n’estoit amé la endroit, fut amenéz devant la
royne et tous les barons et chevaliers qui la estoient assembléz. La lui furent recordéz tous ses faiz par escript que oncques ne dist riens a l’encontre, siques la endroit fut jugié par plaine suite des barons et chevaliers a justicier en telle maniere comme vous ourréz.
¶ Premierement il fut trainéz sur ung bahut a trompes et a trompettes par toute la
ville de Harfort de rue en rue et puis fut amenéz en une grant place
en la
ville, la ou tout le
peuple estoit assembléz. La endroit fut il liéz hault sur une esselle, si que chascun petit et grant le pouoit veoir et avoit on fait en la dicte place ung grant feu.
¶ Quant il fut ainsi liéz, on lui couppa tout premier le vit et les couilles pour ce qu’il estoit herite et sodomittes, ainsi que on disoit mesmement du
roy, et pour ce avoit le
roy dechacié la
royne de lui et par son ennort. Quant le vit et les couilles lui furent coppees, on les getta ou feu pour ardoir,
Gap: wantingpar tant qu’il
faulx de cuer et
traitte et que
par son
traitte conseil et ennort le
roy avoit honni
son royaume et mis a
meschief et avoit fait decoler les plus grans barons d’
Angleterre, par lesquelz le
royaume devoit estre soustenu et
pb 25 v