comment ilz chevauchoient.
Et n’y avoient veü ne avisé
que trois banieres et X pennons.
De ces nouvelles furent les
Escoçois tous resjouyz, et dirent
de grant voulenté: "Chevauchons
vers eulx ou nom de Dieu et
de saint George, car ilz sont
nostres." Adonc prindrent ung
cry les Escoçois, et me semble
qu’ilz devoient cryer Donglas !
Saint Gille ! pour la cause de
la place et de la montaigne.
Ilz n’eurent pas chevauchié
demy lieue quant ilz virent
leurs ennemis les Anglois.
Adonc congneurent l’une par
tie et l’aultre que combatre
les convenoit. La fist le con
te de Donglas son filz, messire
James, chevalier et lui fist lever
baniere, et deux des filz du roy
d’Escoce, messire Robert et messire
David, et tous deux leverent
baniere. Et y eut fait sur la
place environ XXX chevaliers de
la partie des Escoçois et ung
chevalier de Suede qui s’appelloit
messire Georges de Wesmede
et porte d’argent a ung fer de
moulin, et une bourdure en
dentee de gueulles de triemesonde. D’aultre part messire
Thomas Montsegrane fist son
filz chevalier qui s’appelloit Thomas
et aultres de son hostel, et de
sa congnoissance. Aussi firent
le sire de Staford et le sire de Grascot. pb 17 v