SHF 3A-307 sync Quant touttes ces
besoingnes furent
approuchees et les parties d’ac
cord le conte de Foix envoya
la damoiselle sa cousine de
Bouloingne a Morlaiz accom
paigné de plus de VC lances
desquelz messire Espaing de
Lyon, messire Ernault Guilleme,
messire Pierre de Berne, mes
sire Pierre de Cabestain, messire
Adam de Carasse, messire Man
nant de Monnailles et messire
Pierre de Kes, estoyent capitaines
et la sur les champs fut deli
vree aux ambassadeurs de
France ou non du duc de Berri
la damoiselle de Bouloingne.
Et la estoit messire Louys de Xan
cerre atout bien VC lances
qui la receut avecques ces
seigneurs et compaignons.
Et la fut le departement fait.
Ceulx de Foix retournerent
et les Françoys emmenerent
la dame, et vueil bien que
vous sachiéz que le duc de
Berry lui avoit envoyé son
arroy de cars, de chariotz, de pal
leffroys, d’abitz et d’aournemens
de corps et de chief aussy estoffee
ment comme s’elle deust estre
roynne de France. Si se mirent
au retour et aussy je messire
Jehan Froissard, qui toutte
ceste hystoire ay dittee en leur
compaignie. Car le conte de
Foix le m’avoit tousjours bien
dit quant je vouloie prendre con
gié que je ne me avoie que
faire de haster et que je retour
neroye en bonne compaignye.
Si exploitta tant la ducesse
de Berri, car ainsy le nomme
ray je d’oresenavant, que elle
et toutte sa routte vindrent
en Avignon et descendit un jour
a Ville Neufve au dehors d’A
vignon en l’ostel du pape et
l’endemain entre huyt et neuf
heures tous les cardinaulx
allerent au devant d’elle et
passa le pont du Rosne en grant
arroy, sur un grant palleffroy
blanc que le pape lui avoit
presenté. Si vint ainsy jusques
au palaiz en Avignon et la
descendit et alla veioir le pape,
qui seioit en consistoire en
chayere pontifical, si la bai
sa en la bouche en cause de li
gnaige et puis vint la ducesse
disner et ses gens et grant foison
de cardinaulx en l’ostel du car
dinal de Thuri, la estoit son
hostel. Ce fut le mardi et le jour
ensieuvant le pape lui donna
a disner et a toutes ses gens
aussy. Et vous sçay bien a dire
que la venue de la dame cousta
au pape la somme de XXM frans.
Le vendredi elle souppa au pa
laiz et print congié au pape.
Le samedi elle se partit et vint
disner a Orenge et gesir. Car
sa cousine germaine en estoit
princesse. Le dimence elle
se partit d’Orenge et chevauça
ou charria tousjours avant
et passa en Vallence, et puis a
Vienne et puis a Lyon sur le
Rosne, et la se raffrescit deux jours.
Au tiers jour elle en partit
et vint a la Barolle et puis
en la Terrare et puis elle entra
en la conté de Forests et la passa
tout au long et puis vint
a la Pallice en Bourbonnois
et puis a Quissy et puis a Ence
sur Aillier et de la a Aigue
perse et puis a Rion en Auver
gne et fut la deux jours a
vant que le duc de Berri ve
nist, et vint le duc en grant
arroy la nuyt de la Pentecou
ste. Et le jour de la Penthecou
ste bien matin a deux heures
en la chappelle il l’espousa.
Si furent les nopces moult
grandes. Et la furent le conte
de Bouloingne, le conte d’Estam
pes, le conte daulphin d’Au
vergne et durerent les nopces,
les festes et les joustes IIII jours
et puis cesserent. Et a touttes
ces choses je aucteur fuz present.
SHF 3-308 sync Comment certains traitteurs
et saiges hommes pourparlerent et prin
drent unes treves a durer
trois ans entre les François et
les Angloys et tous leurs alliéz
tant d’une part comme d’autre
par mer et par terre. C et XV.
Vous sçavéz comment
unes treves furent
prinses entre parties et garni
sons d’oultre la riviere de Loirre
durans de tous costéz jusques
a la riviere de Dourdonne et
de Geronde jusques a la Saint
Jehan Baptiste que on compta
pour lors l’an de Grace mil CCC
IIIIXX et IX. Ces treves durans
en cellui esté aussy d’autre part
s’ensoingnoient grans seigneurs
et saiges hommes entre les par
ties de France et d’Angleterre
pour traittier unes treves a
durer trois ans par mer et
par terre, et estoit l’intencion
des traitteurs qui de ce s’ensoin
gnoient que dedens ces treves
seroient enclos pour la partie
du roy de France tous ceulx
qui de sa guerre s’ensoingnoi
ent. Premierement le royame
de Castille tout entierement
par mer et par terre et aussy
tout le royame d’Escoce par mer
et par terre. Et d’autre part
du costé du roy d’Angleterre
tous ses allyéz et enclos dedens
le roy et le royame de Portugal
et pluiseurs barons de la Haulte
Gascongne. Si eurent moult
de painne et de travail ces
traitteurs avant qu’ilz peus
sent venir a leurs ententes.
Car nullement les Escoçois
ne s’y vouloient assentir. Et
quant les nouvelles furent
venues en Escoce depar le roy
de France au roy Robert d’Escoce,
il de sa personne s’y accordoit
legierement. Car il ne de
mandoit point la guerre
il fist venir un jour tous les
prelats et barons d’Escoce. Aus
quelz il appartenoit de respon
dre de ceste besoingne. Car sans
leur sceu le roy ne l’eust point
fait et s’il l’eust accordé, ilz
ne l’eussent point tenu. Si
furent en la presence d’eulx
levees les lettres que le roy de
France leur envoioit et vou
loit par ses lettres qu’ilz seel
lassent avec luy et s’accordas
sent a celle treve de trois ans.
Ces nouvelles leur furent
trop dures et dirent adont:
"Le roy de France ne scet fors
a trever quant il est temps
de guerroyer. Nous avons
en cest an ruéz jus les Angloiz
et encorres se taille bien la
saison que nous les ruerons
jus secondement et tiercement."
¶ La eut pluiseurs pa
rolles retournees entre eulx.
Car nullement ilz ne s’y vou
loient assentir ne accorder.
Finablement il fut accordé
qu’ilz envoyeroient un eves
que et trois chevaliers depar
eulx en France devers le roy,
et son conseil pour brisier ces
traittiéz et pour moustrer la
bonne voulenté du royame pb 378 r