vostre niepce a
Saint Jehan d’Amyens,
et le roy
la veoirra, espoir luy
sera elle agreable, car il voit
voulentiers toutes belles choses
et
les ayme. Et se elle luy eschiet
au cueur, elle sera royne de France."
Ainsi
alerent les premieres
convenances, ne plus n’y ot dit
ne fait. Et ne savoit riens le
roy de France que on eust parlé
de son mariage. Et quant le duc
Frederic fut retourné en
Baviere,
il remonstra a son frere le duc
Estiene toutes ces choses, le quel
pensa moult longuement sur ce, et
luy respondi
: "Beau frere, je croy
moult bien qu’il soit ainsi comme
vous me dites, et
seroit ma fille
bien eureuse, se elle pouoit es
cheoir ne venir a si hault hon
neur comme d’estre royne de Fran
ce. Mes il est moult loingz d’icy,
et si y a
trop grant regart a
faire une royne et femme d’un
roy. Si seroye trop
courroucé,
se on avoit menee ma fille en
France et puys que
elle me fust
ramenee. J’ay asséz plus cher
que je la marie a mon aise de
léz moy." Ce fut la response
que le duc Estiene avoit donné
a son frere, de
quoy le duc Fre
deric s’en contentoit asséz et
en avoit escript
aucques sur
celle forme aux oncles du roy
et a
son oncle le duc Aubert et
a
madame de Braibant, ausquelz
il en avoit parlé a son retour,
et cuydoit bien que on eust mis
toutes ces choses en nonchaloir.
Et aussi on parloit du mariage
du roy ailleurs et se fust asséz
tost le roy acordé a la fille du
duc de
Lorraine, car elle estoit
moult belle damoiselle et de son
aage ou asséz prés et de
grant
et noble generacion de
ceulx de
Bloys. Et aussi parlé fut de la
fille du duc de Lancastre, qui
depuys fut royne de Portingal,
mes on n’y
pouoit trouver nul
bon moyen pour leur guerre,
si convint la choze demourer.
Or
remist sus la
duchesse de
Braibant le mariage de
Baviere,
quant elle fut a
Cambray aux
mariages dessus ditz de
Bourgoigne et de Haynault (et le roy de France
etses deux oncles y furent, le
duc de Bourgoigne et le duc de
Bourbon), et dist bien que c’estoit
le plus proufitable et plus
honnourable pour
la cause des
aliances qui en pouoyent descen
dre et venir des
Alemans,
que
elle sceust a present pour le
roy. "Voire, dame,"
respondirent
les oncles du roy, "mes nous n’en
oyons nulles nouvelles." "Or
vous taiséz," dist la duchesse, "je
le feray traire
avant et en orréz
nouvelles en cest esté sens nulle
faulte." Les promesses de la
duchesse furent veritables, car
elle fist tant que le duc Frederic,
son
oncle, en fina a son frere le
duc Estiene de la amener, si
comme vous
orréz ensuyvant et sur
leur chemin disoyent que ilz
aloyent en pelerinage a
Saint
Jehan d’Amyens. Toutes gens
pb 226 v