pour ce fus je envoié querre et tramis en
Engleterre
pardevers vous que le roy de Portingal, monseigneur, quelle part que vous
arrivéz en son paÿs vous seréz les bien venus et en ara grant joye, car il desire
grandement vostre venue et vous veoir". On fu sur cel estat ung temps et bien une heure que
on yroit prendre terre au
Port de Portingal. Il a XXX lieues de
Luscebonne; et puis fu tout retourné, car on dist que le plus honnourable estoit
sans comparoison de
![](i/link2.gif)
prendre terre sus marche d’ennemis que sus ses amis, et
que les ennemis, quant ilz sçaront que nous serons arrivéz sur eulx, en aront plus grant freour.
Dont fu arresté que de prendre terre a La Calongne en Galice. Celle part
tournerent les maronniers, lesquelz avoient vent et temps a souhet, et ne furent depuis que ilz se
departirent de
Brest que V jours sus la mer, que ilz vinrent devant
le havre de La Calongne. La ancrerent, attendanz l’aigue, car ilz avoient basse aigue;
si ne pouoient approchier terre de si pres.
SHF 3-99 sync
Or vous diray des chevaliers de France, de monseigneur le Barrois des Barres, de messire Robert et de
messire Jehan de Braquemont, de messire Jehan de Chastelmorant, de messire
Pierre de Vilainnes, de messire Tristrant de la Gaille
et des
autres, qui estoient venus en pelerinage en la
ville de Compostelle au baron Saint
Jaques, en grant devotion. Quant ilz eurent fait leur pellerinaige et chascun son offrande, et
ilz furent trais a l’ostel, nouvelles leur vinrent, par ceulx qui demoroient sur les frontieres et
bendes de la mer, que les
Englois monstroient ce que ilz voloient venir et arriver
et prendre terre a La Calongne. Avant que sommiers, ne muiéz, ne chevaulx
feussent destourséz qui leurs harnas portoient, ilz ordonnerent a partir tantost et venir devers La Calonne, et eulx mesmes se mistrent au chemin pour conforter le port,
la ville et le chastel, et distrent bien ceulx qui le chastel et la ville de La Calongne
congnoissoient: "Avançons nous, car se les
Englois par mesaventure ou par
force d’armes prendoient ja la ville ne le chastel de La Calongne, ilz seroient
tous seigneurs du paÿs."
![](i/link2.gif)
Les chevaliers emprunterent chevaulx
et firent tant parmi leur bon esploit que ilz vinrent celle nuit a La Calongne, ou
il y a XIIII grandes lieues et divers paÿs, et se bouterent si a point en la ville et ou chastel que les
Englois venoient, qui ancrerent devant le
havre, dont on fut moult resjoÿs en la ville et ou chastel de leur
venue. Toute celle nuit vinrent
pb 109 r