SHF 3-100 sync
Quant le duc de Lancastre ot sejourné a La Calongne environ ung
mois, si comme je vous compte, et que hommes et chevaulx furent tous bien rafreschis, on ot
conseil que on se deslogeroit de la, et s’en yroit on devers la
ville de Saint Jaques en Galice, ou il avoit meilleur paÿs et plus cras et plus plain pour chevauchier. Si comme il fu
ordonné il fu fait; on se desloga de La Calongne, et puis se mist on au chemin,
quant on ot tout toursé, et chevauchierent en trois batailles: le mareschal
premier atout III
C lances et VII
C
archiers, et puis le duc atout IIII
C lances, et toutes les dammes
en sa compaignie, et en l’arrieregarde estoit le connestable, messire Jehan de Hollande,
et avoit largement et bien IIII
C, lances et VII
C
archiers; et n’aloient que le pas, et mistrent III jours a venir de La
Calongne a la ville de Saint Jaques. Vous devéz savoir que le
paÿs de
Galice pour la venue du duc de Lancastre estoit moult effraé, car ilz resongnoient
grandement sa puissance. Le mareschal de l’ost, qui estoit
![](i/link2.gif)
en
l’avantgarde, s’en vint jusques a la
ville que on appelle ou paÿs Compostelle, ou le corps
de saint Jaques, que on requiert de si loing, gist et est. Quant il fu venu jusques
a la, il la trouva fremee; ce fu rayson, mais il n’y avoit en garnison
fors les
hommes de la ville; car nulz chevaliers de France ne le voloient prendre
a leur peril, pour la tenir ne garder honnourablement jusques a oultrance, car elle n’est pas forte
trop a parler contre telz gens que le duc de Lancastre avoit mis ou
paÿs de Galice. Le mareschal envoia devant ung herault pour savoir que ceulx
de Saint Jaques diroient. Le herault vint aux barrieres et trouva le cappitaine et la garde de la ville qui s’appeloit Alphons de Sorie. Il li dist:
"Cappitaine, cy ung petit en sus est le mareschal de l’ost monseigneur de Lancastre, qui m’envoie icy, et parleroit volentiers a vous". Dist le cappitaine: "Il me plaist bien. Faites le venir avant, nous parlerons a lui." Le
herault retourna et dist au mareschal ces nouvelles. Le mareschal
se departi atout XX lances tant seulement de la route, et s’en vint devant la
ville de Compostelle, et trouva aux barrieres le cappitaine et aucuns hommes de
la ville qui la s’arestoient. Le mareschal mist pié a terre et vint lui III
e, tant seulement: ce furent le sire de Basset et messire Guillaume
de Fervichon. Si dist: "Cappitaine et vous gens, monseigneur de
Lancastre et madamme vostre damme, madamme de Lancastre, qui fu fille du roy dan Pietre, vostre seigneur, m’envoyent ycy parler
pb 111 r