nous sur ces
maleureuses gens englois, qui ont fait tant de maulx et de
persecucions en France. A ces cops en arons nous honnourable vengance de nos
peres, de nos meres et de nos amis que ilz nous ont occis." "Ha!", disoient les
autres, "ung jour vient qui tout paie; nous sommes néz a bonne heure, quant nous veons le
voyage que nous desirons le plus a veoir." Et sachiéz que on mist plus de XII
sepmaines a faire les pourveances des seigneurs si grandes et si grosses que ce seroit merveilles
au penser, et de chargier vaisseaux; et disoit on en
Flandres: "Le roy venra demain, le roy venra demain", et toudis s’avaloient gens de
Savoie, de
Bourgoingne, de Bar, de
Lorraine, de France et de Champaigne, d’autre part de
Gascoingne, d’
Armignac, de Comminges, de
Thoulousin, de
Bigorre, d’
Auvergne, de
Berry, de
Limosin, de
Poitou, d’
Ango,
du
Maine, de
Bretaigne, de
Thouraine, de
Blois, d’
Or
leans, de
Gastinois, de
Biause, de
Normendie, de
Picardie, et de
toutes les mettes et limitacions de France, et tous venoient et se logoient en
Flandres ou en
Artois. Quant ce vint a la my aoust et que le voyage se devoit approchier et que les lointains des lointaines marches
s’avaloient, et encore pour eux plus haster et pour donner exemple a tous que le roy
entreprendoit
ce voyage de grant volenté, le roy de France prist
congié a la royne sa femme, a la royne Blanche, a la duchesse d’Orleans, et aux dammes de France, et oy messe solempnelle en l’
eglise
Nostre Damme de Paris, et prist lors congié a tous; et estoit son intencion que, li yssu de
Paris, il n’y rentreroit jamais, si aroit esté en
Engleterre. Toutes
les
citéz et les bonnes villes de France le creoient bien. Le roy s’en vint a
Senlis, et la se tint et la royne de France aussi. Encores estoit le
duc de Berry en
Berry, mais on faisoit ses pourveances en
Flandres et a
l’Escluse, si comme on faisoit les autres. Le
duc de
Bourgoingne estoit en son païs; si prist congié a la duchesse et a ses enfans, et s’avisa que il prenderoit congié de son voyage a
sa belle ante, madamme la
duchesse de Brabant. Si se departi de
Bourgoingne et chevaucha en grant
aroy et en grant estat, l’amiral de France en sa compaignie et messire Guy de La
Tremoeille, que il vint a
Bruxelles, et la trouva la duchesse et les
dammes qui le recueillierent et sa compaignie moult grandement; et fut deux jours
daléz elles, et prist congié et de la vint a
Mons en Haynnau. Si y trouva sa
fille, madamme d’Ostrevant et le
duc Aubert et
son filz messire Guillaume de
Haynnau, conte d’Ostrevant,
pb 138 v