pb 139 v
tailles en estoient grandes en France, aussi estoient ilz grandes en Engleterre, et tant que toutes gens s’en doloient, mais pour ce que le commun veoit que il besongnoit, ilz s’en portoient plus bellement. Si disoient ilz bien: "C’est trop sans raison que on nous taille maintenant pour mettre le nostre aux chevaliers et aux escuiers de ce paÿs; car pourquoy? Il fault que ilz deffendent leurs hiretaiges. Nous sommes leurs varléz, nous leurs labourons les terres et les biens de quoy ilz vivent, nous leurs nourrissons les bestes ou ilz reprendent les laines. A tout consideré, se Engleterre se perdoit, ilz y perderoient trop plus que nous." Nonobstant leurs paroles, tous paioient, ceulx qui tailliéz estoient, nul n’en aloit. deporté. Et fu en Engleterre eslevee en ce temps une taille pour mectre deffense ou païs de deux millions de florins, dont l’arcevesque d’Ierch, frere germain au seigneur de Neufville, et le conte d’Asquesuffort, messire Nichole de Braubre, messire Michiel de La Poule, messire Symon Burlé, messire Pierre Goulouffre, messire Robert Trivilien, messire Jehan Biauchamp, messire Jehan Salbery et aucuns autres qui estoient conseilliéz du roy en estoient recepveurs et paieurs et delivreurs: ne par les oncles du roy, pour lors on ne faisoit
riens, et aussi ilz n’y acomptoient point plenté, ne pas ne voloient mectre le paÿs en tourble, mais enten
doient fort a garder l’onneur d’Engleterre, les pors et les passages et a establir partout gens, car pour certain ilz
cuidoient bien avoir en cel an dont je parle, le roy de France et sa puissance en Engleterre. Les dessus dits chevaliers que je vous ay nomméz, recepveurs
depar le roy de toutes ces tailles en faisoient a leur entente, et le souverain pour qui on faisoit
le plus et qui y avoit le greigneur proufflt c’estoit le conte d’Asquesuffort. Par lui estoit
tout fait et sans lui n’estoit riens fait. De quoy, quant les choses furent passees, le peuple
se tourbla pour savoir que si grant argent estoit devenu ne ou il estoit alé ne contourné, et en
vouldrent aucunes bonnes cités et villes d’Engleterre avoir compte avec ce que
les oncles du roy y rendoient paine, si comme je vous recorderay ensieuvant, quant il
en sera temps et lieu de parler, car je ne vueil ne doy riens oublier en l’istoire.
Messire Symon Burlé estoit capitaine du chastel de Douvres;
si ooit souvent nouvelles de France par ceulx de Calais, et par les
pescheurs d’Engleterre qui s’avenpb 140 r
tailles en estoient grandes en France, aussi estoient ilz grandes en Engleterre, et tant que toutes gens s’en doloient, mais pour ce que le commun veoit que il besongnoit, ilz s’en portoient plus bellement. Si disoient ilz bien: "C’est trop sans raison que on nous taille maintenant pour mettre le nostre aux chevaliers et aux escuiers de ce paÿs; car pourquoy? Il fault que ilz deffendent leurs hiretaiges. Nous sommes leurs varléz, nous leurs labourons les terres et les biens de quoy ilz vivent, nous leurs nourrissons les bestes ou ilz reprendent les laines. A tout consideré, se Engleterre se perdoit, ilz y perderoient trop plus que nous." Nonobstant leurs paroles, tous paioient, ceulx qui tailliéz estoient, nul n’en aloit. deporté. Et fu en Engleterre eslevee en ce temps une taille pour mectre deffense ou païs de deux millions de florins, dont l’arcevesque d’Ierch, frere germain au seigneur de Neufville, et le conte d’Asquesuffort, messire Nichole de Braubre, messire Michiel de La Poule, messire Symon Burlé, messire Pierre Goulouffre, messire Robert Trivilien, messire Jehan Biauchamp, messire Jehan Salbery et aucuns autres qui estoient conseilliéz du roy en estoient recepveurs et paieurs et delivreurs: ne par les oncles du roy, pour lors on ne faisoit
riens, et aussi ilz n’y acomptoient point plenté, ne pas ne voloient mectre le paÿs en tourble, mais enten
doient fort a garder l’onneur d’Engleterre, les pors et les passages et a establir partout gens, car pour certain ilz
cuidoient bien avoir en cel an dont je parle, le roy de France et sa puissance en Engleterre. Les dessus dits chevaliers que je vous ay nomméz, recepveurs
depar le roy de toutes ces tailles en faisoient a leur entente, et le souverain pour qui on faisoit
le plus et qui y avoit le greigneur proufflt c’estoit le conte d’Asquesuffort. Par lui estoit
tout fait et sans lui n’estoit riens fait. De quoy, quant les choses furent passees, le peuple
se tourbla pour savoir que si grant argent estoit devenu ne ou il estoit alé ne contourné, et en
vouldrent aucunes bonnes cités et villes d’Engleterre avoir compte avec ce que
les oncles du roy y rendoient paine, si comme je vous recorderay ensieuvant, quant il
en sera temps et lieu de parler, car je ne vueil ne doy riens oublier en l’istoire.
Messire Symon Burlé estoit capitaine du chastel de Douvres;
si ooit souvent nouvelles de France par ceulx de Calais, et par les
pescheurs d’Engleterre qui s’avenpb 140 r