a
Paris. Ilz tinrent leurs journees ne nul n’y pouoit trouver moyen ne accord; tous deux se vouloient combatre, car chascun si disoit avoir bon droit. Si furent les lices faites
et ordonnees en la place Sainte Katherine.
Or furent revenus du voyage de
l’Escluse le roy
de France et ses oncles et le connestable a
Paris. Le jour
du champ vint qui fut environ l’an revolu que on compta selon la coustume de
Rome l’an M CCC IIII
X et VII. Le roy de France et ses oncles vinrent en la place ou le champ se fist, et vinrent les deux champions en la place, arméz de toutes pieces, ainsi
comme a eulx appartenoit, et furent chascun des champions assis en sa chaire, et gouvernoit
messire Jehan de Karouge le conte Waleran de Ligny et de Saint Pol, et
Jaques Le Gris les gens au conte d’Alençon. Quant le chevalier deut entrer ens ou champ, il vint a sa femme, qui la estoit sus la place en ung char tout couvert de noir et la damme vestue de noir aussi, et li dist
ainsi: "Damme, sur vostre informacion je voy aventurer ma vie et combatre
Jaques Le Gris. Vous savéz se ma querelle est juste et loyale?" "Monseigneur," dist la damme, "il est ainsi et vous combatéz seurement,
car la querelle est bonne." "Ou nom de Dieu soit", dist le chevalier. Lors
la prist il par la main, puis se parti et entra ou champ. La damme demoura dedens le char
en oroisons et en grant cremeur, car, se son mary eust esté
desconfit, on l’eust pendu et la damme arse. Quant ilz eurent juré, ainsi comme il
appartient a champ faire, on les mist l’un devant l’autre et leur fu dit de faire ce pourquoy ilz
estoient la venus. Ilz assemblerent des lances a cheval, mais tantost descendirent et puis se
combatirent de leurs espees moult vaillamment et fu le chevalier de premier navré en
la cuisse, et depuis retourna t il par telle maniere que il mist
Jaques Le Gris
dessoubz lui et l’occist, mais Jaques ne voust oncques congnoistre, et tint
tousjours son oppinion. Ainsi fu la damme vengee de l’escuier, dont tous les
seigneurs et le peuple orent grant joye.
SHF 3-123 sync
En ce temps, environ la Chandeleur, s’acoucha au lit le roy Pierre d’Arragon. Quant il vey que morir le
convenoit, si fist venir en son present ses deux filz, Jehan l’aisné, et Martin, et leur dist: "Mes enfans, je vous laisse asséz en
bon
point, et les besongnes de mon royaume toutes cleres. Du fait
de l’
Eglise, j’en ay toudis tenu la neutralité, si vueil que vous la tenéz aussi, car
c’est le plus sceur." Ilz respondirent: "Nous obeïrons a ce que vous ordonneréz, c’est
raison." En cel estat trespassa le roy Pierre d’Arragon, qui fu ung moult vaillant
homme en son temps, et qui grandement augmenta la
couronne et le royaume pb 148 v