taine comme son lieutenant, et lui donnoit plaine puissance royale
de demander tous drois deubz et actions deues tant sur le
royaume d’Arragon comme
ailleurs, et voloit que le duc en eust les levees et les prouffis sans
riens retourner arriere, et les quittoit plainement et tenoit a ferme et estable tout ce que il en feroit.
Dont, quant le duc de Lancastre fu arresté en la
ville de Saint Jaques en Galice, si comme il est cy dessus contenu, il pensa sur les besongnes d’
Arragon et
regarda que le roy d’Arragon, par la vertu de la commission que il avoit, estoit
grandement tenu a lui en grant somme d’argent pour les arrieraiges, lesquelz choses li venroient
grandement a point pour permaintenir sa guerre de
Castille avec les autres aides.
Si ques, lui sejournant a Saint Jaques, il envoia de son conseil a
Bourdiaux devers l’archevesque de Bourdiaux et devers
messire
Jehan Harpedane, qui lors estoit
seneschal de Bourdiaux et de Bourdelois, et
mandoit par ses lettres que l’un des deux ou tous deux ensemble
en alassent en
Arragon devers le roy, et li remonstrassent vivement
comment il estoit grandement et de longtemps tenu envers le roy d’Engleterre et le duc d’Acquitaine. L’archevesque et le seneschal regarderent les lettres
et oïrent que ceulx qui les avoient apportees disoient. Si parlerent ensemble et regarde
rent que il valoit trop mieulx que le seneschal demourast en
Bourdelois que il alast en ambaxaderie ens ou
royaume d’Arragon. Si ques l’archevesque de Bourdiaux eut celle commission et estoit venu en
Arragon et si mal a point, ainsi que les choses tournent a la fois sur le pis, que point il n’avoit
parlé au roy, car ja estoit il malade et tousjours il aggrevoit, et tant que il le monstra,
car il morut. Quant il fu mort, l’arce
vesque parla a ses enfans et au conseil du roy qui vinrent au service du roy Pierre qui estoit mort
en la
cité de Barsalonne, et tant parla que trop ce sembla il au conseil du roy,
et que il fu mis en prison fremee courtoise, mais il ne s’en pouoit pas partir quant il voloit et estoit
en la
cité de Barselone. Quant les nouvelles en vinrent a
Bourdiaux
devers le seneschal, si dist: "Je n’en pensoie pas moins, car l’arcevesque,
ou que il soit, a trop chaude teste; encoires je croy que il vaulsist otant que je y fusse alé, car
j’eusse parlé plus a point. Il y a bien maniere par tout le monde a savoir doulcement demander le
sien." Le seneschal escripsi ces nouvelles devers le duc de Lencastre qui
se tenoit en
Galice. Le duc en fu grandement courroucié et se contenta
mal du roy d’Arragon et de son conseil, quant on avoit l’arcevesque de
Bourdiaux, ung si grant prelat, retenu et mis en prison en esploitant ses
pb 149 v