seaulx et parlement, et fu la fin telle de moy et de luy et le traittié de nous et de
noz consaulx, que je doy prendre a femme Phelippe sa fille; je vueil perseverer
en cel estat et le vueil mander, car c’est raison honnourablement en
Galisse, ainsi
comme il appartient a ung tel seigneur comme le duc de Lancastre est, et aussy a moy
qui suis roy de Portingal, car j’en vueil la dame faire royne."
"Sire," respondirent ceulx a qui il en parloit, "vous avéz raison, car ainsi
luy avéz vous juré et promis." "Or avant," dist le roy de Portingal, "qui envoyerons nous devers le duc pour ramener la dame?" Lors furent
avisé et nommé par especial l’archevesque de Braghes et messire Jehan Redigues
de Sar. Si leur fut dit, car on les manda; pour l’eure qu’ilz furent esleu, ilz n’estoient pas
deléz le roy. Ilz entreprindrent a faire le voyaige liement. Si furent ordonné II
C hommes d’armes pour aler et pour retourner avec eulx.
SHF 3-135 sync
¶ Or parlons du siege que messire Thomas Moriaux,
mareschal de l’ost, tenoit devant
Ribadane et comptons comment il en
avint.
Je croy bien que ceulx de Ribadane en Galisse qui devoient
bien avoir esté confortéz du roy Jehan de Castille et des chevaliers de France, lesquelx ens ou Val d’Olif se tenoient, aultrement
![](i/link2.gif)
ilz
ne feussent point tant tenu, mais je ne say comment vilains qui n’avoient conseil que
d’eulx meismes se peurent tant tenir contre fleur et archiers de gens d’armes pour assaillir
une ville et comment ilz ne s’esbahyssoient point, car tous les jours ilz avoient sans faulte assault.
Et fut dit a messire Thomas Morel en maniere de conseil des plus grans chevaliers de
sa routte: "Sire, laissons ceste ville ycy; que le mal feu l’arde, et alons
plus avant ou paÿs devant
Maures ou Noyes ou
Besances; tousjours retournerons moult bien icy." "Par ma foy", avoit
respondu messire Thomas, "ja ne nous avendra que vilains nous desconfissent, et
y deusse seoir deux moys, se le duc ne me remande."
¶ Ainsi estoit entré le mareschal en l’oppinion de tenir le siege devant
Ribadane.
¶ Le roy Jehan de Castille, qui se tenoit au Val d’Olif et qui
avoit mandé especialment le secours en France, savoit bien et ooit dire tous les
jours comment ceulx de Ribadane se tenoient vaillaument, et ne se vouloient rendre, et
luy anuyoit de ce que des le commancement, quant les
Englois vindrent a la Coulongne, il n’y avoit mis en garnison des
François, car
biens’i fussent tenuz.
¶ "En nom Dieu", disoit li
Barrois des Barres, "il me
desplaist grandement que je n’y suis; a tout le moins eussé je eubt l’onneur que ces villains ont et se on m’eust dist veritablement: c’est une telle ville et de telle force et de telle garde,
sans faulte je l’eusse fait rafreschier
pb 161 r