SHF 3-146 sync
A
l’endemain apréz disner, prist
messire Gautier de Pasac congiet du conte, et
le conte luy donna: et au partir avecques tout ce on luy presenta depar le conte ung tres bel coursier et une belle mule. Messire Gautier en remerchya le conte et les fist mener a l’ostel; tout son arroy estoit prest. Il monta et tous ses gens
monterent et yssirent hors de
Orthais, et vinrent ce jour jesir a
![](i/link2.gif)
Harcel, et a l’endemain au soir, ilz vindrent a Tarbe, car ilz chevaulcherent
ce jour grande journee pour avanchier leur besoingne.
¶ Quant messire Gautier fut venus a Tarbe, il s’arresta la et
s’avisa qu’il escriproit a messire Guillaume de Lingnac tout son estat et comment il
avoit exploittié devers le conte de Foix, ainsi qu’il fist; et lui escripsoit que il fesist traire
avant toutte sa route, car ilz trouveroient le
paÿs de Berne et touttes les villes du conté ouvertes en payant ce que ilz prenderont, et aultrement non.
¶ Le messagier qui apportoit depar
messire Gautier de Pasac exploitta tant que
il vint a
Thoulouse; si fist
leur messaige. Quant messire Guillaume de Lignac ot leu le contenu
des lettres, si fist a savoir a toutes les cappitaines des routtes que on se mesist au chemin, mais
ce que on prenderoit ne leveroit en la terre du conte de Foix tout
fust paiet; aultrement on s’en prenderoit aux cappittaines, qui amenderoient le fourfait. Et fu
sonné a le trompette de logeis en logeis affin que tout en fussent avisé.
¶ Or se deslogerent toutes gens de la marche de
Thoulouse et de
Carcassonne, de
Lymosin et de
Nerbonne, et se misrent
ou chemin pour entrer en
Bigorre, et estoient plus de II
M lances. Si se departy messire Guillaume de Lignac de
Thoulouse et prist le chemin de
Bigorre, et esploitta tant qu’il vint a Tarbe, et la trouva messire Gautier son compaignon. Si firent bonne chiere, ce
fu raison.
![](i/link2.gif)
Et toudis passoient gens d’armes et routtes, et s’assambloient touttes
en
Bigorre pour chevaulchier ensamble parmy
Berne et le paÿs du conte de Foix et pour passer a
Ortais au pont la riviere de
Gave, qui court a la Bayonne.
SHF 3-147 sync
Si tost qu’on yst hors du
paÿs de
Berne, on entre ou paÿs des Bascles, ouquel paÿs le roy
d’Angleterre tient grant terre en l’
archevesquié de Bourdiaux et en l’evesquié
de Bayonne; si ques les Basclois qui se tiennent et tenoient lors du roy
d’Angleterre, ou bien sont quatre vintgs
clockes, villes a clocquiers, entendirent que le passaige
seroit parmy leur paÿs, si se doubterent grandement des
Franchois et de estre
tout courru et ars et esseilliet; car ilz n’avoient
pb 172 r