pb 198 r
retrais en Castille et boutéz ens es citéz et ens es fors lieux pour la doubte des Portingalois, mais les chastiaulx tenoient et si y avoit Bretons et Poitevins dedens que on y avoit establis pour les garder. ¶ Le roy de Portingal ot conseil que les chastiaulx de Saint Yrain, qui estoient l’un a ung bout de la ville et l’autre a l’autre bout, ilz feroient assaillir, car, par honneur, ilz ne pouoient passer par la sans faire armes; car le chastellain avoit ja conquis la ville sus eulx et les chastiaux aussy. Si vouloient assaier si il les raroient; et tousjours estoit ce guerre. Et pour juer de telz jeux, car bien savoient que sus leur chemin ilz feroient des assauls, il faisoient amener avec eulx engiens que ilz avoient pris au Port. Or se logierent le roy de Portingal et ses gens en la marce de Saint Yrain; c’est le entree de Castille tout au loing de la riviere de Pese qui va a Sebille le grant. Par celle riviere pouoient venir en l’ost parmy mer, fuist de Lucebonne ou du Port, grans biens ensi qu’il fist et bien leur besoingnoit, car ilz estoient grant gens plus de XXX mille que uns que aultres. ¶ Le connestable assist luy et sa routte ou la moitié de la communaulté de Portingal le chastel devers soleil levant que on disoit a Le
Perrade, et l’autre chastel de couchant assissent le mareschal et sa routte et l’appelle on paÿs Castiel Taillidon. Du chastel de La
Perrade estoit cappitaine ung chevalier de Bretaingne, qui s’appelloit messire Meurisse
Fonchaus, appert homme d’armes, et de Chastel Taillidon messire
Jaqueme de Montmerle, ung chevalier de Poitou; et avoient chascun aveucq eulx L lances de bons compaignons. Si furent la bien XV jours et plus que riens
n’y firent et estoient engiens dreschiéz au devant qui gettoient bien X ou XII foiz le jour contre le mur grosses pierres, mais petit les empiroient, excepté les tors
des tours furent tous desemperéz; mais les compaignons de dedens n’en faisoient conte, car les
estaiges empréz les tors estoient de fortes pierres qui ne pouoient effundre pour jet de pierre
d’engien ne d’espringale.
¶ Et quant on vey que on ne les aroit point et que on se commencha a tenner, on ot conseil
que on se deslogeroit et que on entreroit en Galisse, et que on approcheroit l’ost
du duc de Lancastre, par quoy se ses gens venoient on seroit plus fort, et aussi le roy et le duc auroient conseil comment ilz se maintenroient ne quel part ilz yroient.
Si se deslogierent ung jour et trouserent tout et mirent a voiture et se departirent de Saint
Yrain; mais, a leur departement, la ville fut si nettement arse que il n’y pb 198 v
retrais en Castille et boutéz ens es citéz et ens es fors lieux pour la doubte des Portingalois, mais les chastiaulx tenoient et si y avoit Bretons et Poitevins dedens que on y avoit establis pour les garder. ¶ Le roy de Portingal ot conseil que les chastiaulx de Saint Yrain, qui estoient l’un a ung bout de la ville et l’autre a l’autre bout, ilz feroient assaillir, car, par honneur, ilz ne pouoient passer par la sans faire armes; car le chastellain avoit ja conquis la ville sus eulx et les chastiaux aussy. Si vouloient assaier si il les raroient; et tousjours estoit ce guerre. Et pour juer de telz jeux, car bien savoient que sus leur chemin ilz feroient des assauls, il faisoient amener avec eulx engiens que ilz avoient pris au Port. Or se logierent le roy de Portingal et ses gens en la marce de Saint Yrain; c’est le entree de Castille tout au loing de la riviere de Pese qui va a Sebille le grant. Par celle riviere pouoient venir en l’ost parmy mer, fuist de Lucebonne ou du Port, grans biens ensi qu’il fist et bien leur besoingnoit, car ilz estoient grant gens plus de XXX mille que uns que aultres. ¶ Le connestable assist luy et sa routte ou la moitié de la communaulté de Portingal le chastel devers soleil levant que on disoit a Le
Perrade, et l’autre chastel de couchant assissent le mareschal et sa routte et l’appelle on paÿs Castiel Taillidon. Du chastel de La
Perrade estoit cappitaine ung chevalier de Bretaingne, qui s’appelloit messire Meurisse
Fonchaus, appert homme d’armes, et de Chastel Taillidon messire
Jaqueme de Montmerle, ung chevalier de Poitou; et avoient chascun aveucq eulx L lances de bons compaignons. Si furent la bien XV jours et plus que riens
n’y firent et estoient engiens dreschiéz au devant qui gettoient bien X ou XII foiz le jour contre le mur grosses pierres, mais petit les empiroient, excepté les tors
des tours furent tous desemperéz; mais les compaignons de dedens n’en faisoient conte, car les
estaiges empréz les tors estoient de fortes pierres qui ne pouoient effundre pour jet de pierre
d’engien ne d’espringale.
¶ Et quant on vey que on ne les aroit point et que on se commencha a tenner, on ot conseil
que on se deslogeroit et que on entreroit en Galisse, et que on approcheroit l’ost
du duc de Lancastre, par quoy se ses gens venoient on seroit plus fort, et aussi le roy et le duc auroient conseil comment ilz se maintenroient ne quel part ilz yroient.
Si se deslogierent ung jour et trouserent tout et mirent a voiture et se departirent de Saint
Yrain; mais, a leur departement, la ville fut si nettement arse que il n’y pb 198 v