de ses gens,
et toudis au fort aroit il paix quant il vouldroit.
¶ Nous nous souffrerons a parler ung petit duc de Bretaigne et retournerons a
parler des besoingnes d’
Angleterre, qui furent en ce temps moult merveilleuses.
SHF 3-183 sync
Vous savéz, si comme il est contenu cy
dessus en l’ystoire, que les oncles du roy d’Angleterre, le duc d’Yorth et le
duc de Glocestre, le conte de Sasleberry, le conte d’Arondel, le conte de Northombrelant, le conte de Nothingem et l’archevesque de
Cantorbie estoient tous d’une alliance a l’encontre du roy et de son conseil, car sus eulx ilz s’en contentoient trop mal et disoient en repost et en requoy: "Ce
duc d’Irlande fait en
Angleterre et du roy ce qu’il vuelt, et
n’est le roy conseilliéz fors de mesceans gens et de basse venue ens ou regard des
princes. Et tant que il ait le conseil qu’il tient deléz lui, les choses ne puevent bien aler, car ung
royaulme ne puet estre bien gouverné ne ung seigneur bien conseilliéz de mescheans gens. On voit
que ung povre homme, quant il monte en estat et son seigneur l’aveue, il se corrompt et destruit
aussi son peuple et son paÿs; et est ainsi d’ung povre homme a femme, qui ne scet que c’est
d’onneur, qui desire a tout engloutir et tout avoir, que d’ung loutre qui entre en ung estant et
destruit tout le poisson que il y
treuve. ¶ A quoy est ce bon que ce duc d’Irlande est si bien du roy? Nous
cognoissons bien son estraction et sa venue et que le
royaulme
d’Angleterre sera du tout gouverné par luy, et en laira les oncles du roy et ceulx de son
sang. Ce ne fait pas a souffrir ne a soustenir." "Nous savons bien qui le conte d’Asquessuffort est", disoient les aultres; "il fut filz au conte Aubery
d’Asquessuffort qui oncques n’eubt grace ne renommee en ce paÿs. d’onneur, de
sens et de conseil, ne de gentilesce" "Et messire Camdes", dist lors ung
chevalier, "luy monstra une fois moult bien a l’ostel du
prince de Galles, en l’ostel de Saint Andrieu a Bourdiaulx." "Et que luy monstra il?", dist ung
aultre qui vouloit savoir le fons. "Je vous le diray", dist le chevalier, "car je y estoie
presens. On servoit du vin en une chambre ou le
prince estoit, et avecques li grant foison
de seigneurs d’
Angleterre. Quant le
prince ot but, pour tant que
messire Jehan Camdes estoit
connestable d’Acquittaine, tantost apréz le
prince on luy porta la couppe; il le prist et but et ne fist nul samblant au conte
d’Asquessuffort, pere de cestui, de dire de boire ne d’aler devant. Aprés ce que
messire
Jehan Camdes ot but, ung de ses escuiers apporta le vin au conte d’Asquessuffort.
Le conte, qui s’estoit indignéz grandement de ce que Camdos avoit but
devant
pb 207 r