roy et la decolléz, et puis pendus par les asselles. Ainsi fina
messire Robert Trimilien.
SHF 3-193 sync
Or vindrent les nouvelles asséz
hasteement au
roy Richard d’Angleterre et au duc d’Irlande qui se tenoient
a
Brisco, que
messire Robert Trimilien en estoit mort honteusement.
Et prist le roy ceste chose en grant despit, et dist et jura que la chose ne demouroit pas
ainsi, et que ses oncles faisoient mal, quant, sans nul tiltre de raison, ilz luy ostoient ses
hommes et ses chevaliers qui loyaulement l’avoient servi et son pere le prince aussi, et
monstroient que ilz le vouloient mettre hors de la
couronne d’Angleterre.
¶ Si demanda conseil a ceulx qui deléz luy estoient, comment il s’en pourroit sevir et que
la chose luy touchoit de trop pres.
¶ A ces jours estoit la l’archevesque d’Yorth qui estoit le souverain de son
conseil et avoit esté ung grant temps; si dist: "Monseigneur, vous demandéz
conseil et je vous le donray. Vostres oncles et ceulx de leur accord euvrent trop
grandement contre vous, et samble, ad ce que ilz monstrent et font, que vous ne soiéz conseilliéz
que de traittres, et ne puet nulz estre oÿs par dessus eulx. C’est un grant peril pour tout ce royaulme, car, se les communaultéz s’esmouvoient et resveilloient, il ne puet estre
que
grant meschief n’aviengne en
Angleterre, ou cas que
les seigneurs ne sont mie tout ung.
![](i/link2.gif)
Si vous conseille que vous y
remediéz et de puissance. Vous demouréz pour le present en marce et contree plus asséz
foisonnable de peuple. Faictes ung mandement sus tous ceulx qui sont tailliet de vous servir,
jentilzhommes et aultres, et, quant ilz seront tous mis ensamble, envoiiéz en la marche de
Londres, et en faictes conduiseur et souveram le duc d’Irlande qui voulentiers
en prendra la charge; et n’aient aultres banieres ne pennons que vos plaines armes pour mieulx
monstrer que la besoingne soit vostre. Tout le paÿs en allant jusques a la se tournera
dessoubx vous et dessoubz vos banieres, et espoir les
Londriens ne vous heent
pas, car vous ne leur avéz riens meffait. Tout ce qu’il peult avoir pour le present de ruine, vostres oncles li ont bouté et mis; et vela
messire Nicolas Branbre qui a esté
maire de Londres ung grant temps et que vous fesistes chevalier pour le bel service qu’il
vous fist un jour qui fut, qui congnoist et doit congnoistre par raison asséz les cuers des
Londriens, car il en est de nation, et ne puelt estre qu’il n’y ait encoires de bons amis. Se
luy requeréz qu’il vous conseille pour le mieulx de ceste besoingne yci, car elle vous touche trop
grandement; car vous poriéz
pb 218 r