Moult estoit le duc de Glocestre ententif de savoir se
![](i/link2.gif)
le duc d’Irlande estoit point pris, mais on luy dist que nennil et qu’il estoit sauvéz.
¶ Le duc de Glocestre fut deux jours a
Asquessuffort et donna touttes manieres de gens congié de retourner chascun en son hostel,
et les remerchya du service qu’ilz avoient fait a son frere et a luy, et dist au maire
de Londres et a tous les connestables de
Londres qui la estoient que ilz s’en
retournassent et emmenassent leurs gens; ilz le fissent. Ainsi departi ceste armee et chevaulciee.
SHF 3-198 sync
Or vous compteray du duc d’Irlande et de messire Pierre Boulouffre et de
messire Miquiel de la Poule que
ilz devinrent. Ce jour que je vous ay compté, ilz se sauverent et aussi firent ilz tous les autres, et
bien leur besoingnoit, car se ilz eussent esté tenus ne trouvés, sans merchy ilz estoient mort. Point
ne me fut dit ne compté que ilz alassent devers le roy et, se ilz y alerent, ilz n’y
sejournerent point longuement, mais se departirent d’
Angleterre au plus tost
comme ilz peurent. Et me fut dit que ilz chevaulchierent parmy Galles et
passerent a Karlyon et entrerent ens ou
royaulme d’Eschoce et vindrent
en Hambourch, et la entrerent en ung vaissel et se mistrent en mer et eurent vent
a voulenté et costoierent
Frise et l’isle de Cessele et le
paÿs de
Hollande et s’en vindrent
a river ou
havene de la bonne ville de
Dourdrecht. Quant ilz s’y trouverent, ilz furent tous resjoÿs, et me fut dit que de longue main
ce duc d’Irlande avoit fait si grant attrait d’or et d’argent et de finances a
Bruges, par
Lombars, pour tousjours estre au desus
de ses besoingnes. Car quoy qu’il eust le roy d’Angleterre de son accord, se doubtoit
il grandement les oncles du roy et le demourant du paÿs, pourquoy, luy estant
en ses grandes fortunes en
Angleterre, il se pourvey et fist son attrait grant et fier
en
Flandres et ailleurs la ou il pensoit bien l’argent a retrouver se il luy
besoingnoit.
¶ Et me fut dit que les soixante mille frans qu’il avoit recheu pour la
redemption des enfans de Bretaingne et especialment pour Jehan, car
Guy estoit mort, il les trouva tous appareilliéz decha la mer; et encoires l’en
devoit le connestable de France a paier a troix ans soixante
M frans. Si ne se devoit pas esbahir qu’il n’eust finance asséz ung grant temps.
¶ Quant le
duc Aubert de Baviere qui tenoit
Haynnau,
Hollande et
Zellande en bail depar le conte Guillaume son frere, car encoires vivoit il, entendy que ce duc d’ Irlande estoit venu logier et amasser
comme ung homme enfuys et enchacié hors d’
Angleterre et en
sa
ville de Dourdrecht, si pensa sus ung petit et ymagina que il ne sejourneroit pas la
longuement, car il n’estoit pas cognuablement
pb 222 r