pb 232 v
¶ Encoires se confioient plus les Anglois en ceulx que je vous ay noméz que ilz ne faisoient en es Espaingnolz. En la fourme et maniere que je vous dy se desrompy en celle saison celle armee du duc de Lancastre en Castille, et querroit chascun son mieulx. Vous pouéz et devéz bien croire qu’il anoyoit grandement au duc de Lancastre, et bien y avoit cause, car il veoit ses haultes emprinses et ymaginations durement reboutees et en dur party. Et touttesfois, comme saiges et vaillant prinche qu’il est ou estoit, il s’en confortoit asséz bellement, car bien veoit qu’il n’en pouoit avoir aultre chose. ¶ Quant le roy de Portingal vey que les choses se portoient ainsi et que leur armee estoit rompue,
il donna touttes manieres de ses gens congié qui l’estoient venu servir et en retint environ IIIC lances, et se departy d’Aurenth aveuc le duc de
Lancastre qui s’en retourna, aussi et sa femme, en la ville de Saint Jaque
qu’on dist en Compostelle.
¶ Quant le roy et le duc furent la venu, le jour y sejourna IIII jours, et au Ve il s’emparty a tout ses gens qui accompaignié l’avoient, et s’en retourna devers son paÿs et sa femme qui estoit au Port d’une bonne cité en Portingal.
¶ Or devéz vous savoir, que je le vous dyray, quel chose il advint a pluseurs chevaliers et
escuiers qui estoient departi de la route et retrait en Castille, et espars
sus le paÿs en pluseurs citéz et bonnes villes. Ceulx qui estoient entechiéz de la morille, quoyqu’ilz terminassent et quesissent nouvel air et nouvelles medicines, ne peurent fuir ne eschapper qu’ilz ne morurent. En sejournant en la ville de Ville Arpent, entreus que le roy Jehan de Castille avoit envoiet querre en Navaire et en France les saufconduis, pour passer paisiblement les Anglois parmy leurs terres et seignouries, si comme il leur avoit prommis et que ce ne fut pas si tost fait, ne ceulx qui envoiet y estoient retourné, morurent pluseurs barons, chevaliers et escuiers d’Angleterre sur leurs lis; dont ce fut dommaiges et affoiblissement de leur paÿs. En Ville Arpent moururent troix haulx barons d’Angleterre et riches hommes, lesquelx estoient nomméz: taut premier cil qui avoit esté souverain mareschal de l’ost du duc, messire Richard
Burlé, le sire de Poumingues et messire Henry de Persy, cousin germain au
conte de Northombrelande. En sa ville de Noye mourut messire Mauburnis de Linieres, Poitevin, ung moult vaillant et
tres appert chevalier. En la ville de Ruelles ung grant barron de Galles qui
s’appelloit le sire de Thaleboth, et morurent, que cha que la, de la morille, XI barrons d’Angleterre et bien IIIIXX
chevaliers et plus de IIC escuiers, tous gentilzhommes. Or regardéz la
grant desconfiture sus eulx, et sans coup ferir, ne bataille avoir, et de aultre peuple,
archiers pb 233 r
¶ Encoires se confioient plus les Anglois en ceulx que je vous ay noméz que ilz ne faisoient en es Espaingnolz. En la fourme et maniere que je vous dy se desrompy en celle saison celle armee du duc de Lancastre en Castille, et querroit chascun son mieulx. Vous pouéz et devéz bien croire qu’il anoyoit grandement au duc de Lancastre, et bien y avoit cause, car il veoit ses haultes emprinses et ymaginations durement reboutees et en dur party. Et touttesfois, comme saiges et vaillant prinche qu’il est ou estoit, il s’en confortoit asséz bellement, car bien veoit qu’il n’en pouoit avoir aultre chose. ¶ Quant le roy de Portingal vey que les choses se portoient ainsi et que leur armee estoit rompue,
il donna touttes manieres de ses gens congié qui l’estoient venu servir et en retint environ IIIC lances, et se departy d’Aurenth aveuc le duc de
Lancastre qui s’en retourna, aussi et sa femme, en la ville de Saint Jaque
qu’on dist en Compostelle.
¶ Quant le roy et le duc furent la venu, le jour y sejourna IIII jours, et au Ve il s’emparty a tout ses gens qui accompaignié l’avoient, et s’en retourna devers son paÿs et sa femme qui estoit au Port d’une bonne cité en Portingal.
¶ Or devéz vous savoir, que je le vous dyray, quel chose il advint a pluseurs chevaliers et
escuiers qui estoient departi de la route et retrait en Castille, et espars sus le paÿs en pluseurs citéz et bonnes villes. Ceulx qui estoient entechiéz de la morille, quoyqu’ilz terminassent et quesissent nouvel air et nouvelles medicines, ne peurent fuir ne eschapper qu’ilz ne morurent. En sejournant en la ville de Ville Arpent, entreus que le roy Jehan de Castille avoit envoiet querre en Navaire et en France les saufconduis, pour passer paisiblement les Anglois parmy leurs terres et seignouries, si comme il leur avoit prommis et que ce ne fut pas si tost fait, ne ceulx qui envoiet y estoient retourné, morurent pluseurs barons, chevaliers et escuiers d’Angleterre sur leurs lis; dont ce fut dommaiges et affoiblissement de leur paÿs. En Ville Arpent moururent troix haulx barons d’Angleterre et riches hommes, lesquelx estoient nomméz: taut premier cil qui avoit esté souve
rain mareschal de l’ost du duc, messire Richard
Burlé, le sire de Poumingues et messire Henry de Persy, cousin germain au
conte de Northombrelande. En sa ville de Noye mourut messire Mauburnis de Linieres, Poitevin, ung moult vaillant et
tres appert chevalier. En la ville de Ruelles ung grant barron de Galles qui
s’appelloit le sire de Thaleboth, et morurent, que cha que la, de la morille, XI barrons d’Angleterre et bien IIIIXX
chevaliers et plus de IIC escuiers, tous gentilzhommes. Or regardéz la
grant desconfiture sus eulx, et sans coup ferir, ne bataille avoir, et de aultre peuple,
archiers pb 233 r