Vous avéz bien oÿ tous les traittiéz, les requestes et les responses qui furent entre
ces parties. Si ne les pense plus a demener, car quant ceulx qui furent envoiéz depar le conte de Guerles au
Bertran de Malignes, furent retourné arriere, les
besoingnes approchierent grandement; car le conte de Guerles, pour le present, ne
pouoit mieulx faire ailleurs, car ce
Bertran de Malignes estoit riche sans
nombre.
¶ On escripsi tout ce qu’il voult deviser ne aviser pour le meilleur et le plus seur, au los de luy
et de son conseil.
¶ Quant tout fut escript et cancellé, que riens n’y eult que dire, le conte de Guerles
et ses proismes, qui dedens ces lettres estoient escriptes et denomméz, scellerent; aussy firent
les
chevaliers de Guerles et les bonnes villes.
¶ Et quant tout fut acompli et confremé, tant que ce Bertran fut et se tint
pour contempt, le mariaige se passa oultre, et furent touttes les debtes paiéz, que le conte
Regnault de Guerles en son temps avoit faictes, et sa terre delivree de tous gaiges, quitte
et liberale. Ainsi fut ce conte de Guerles au dessus de ses besoingnes, et prinst
nouvel conseil et nouvel estat. Et se en devant il avoit tenu bon, encoires le tenoit il meilleur
apréz, car il avoit moult bien de quoy. Finance ne luy failloit point depar le
![](i/link2.gif)
partie
de
Bertran de Ma lignes.
¶ Et se porta le conte moult honnourablement avecques sa femme et moult
en paix, car elle estoit belle dame, bonne et saige, devote et preude femme; mais ilz ne furent
que quatre ans ensamble en mariaige, que la dame morut; si eult une fille qui demoura de luy et qui eubt nom Ysabel.
¶ Quant le conte de Guerles fut vefves, il estoit encoires ung joenne homme. On le
remaria tres haultement, et luy donna le roy Edouart d’Angleterre, le pere au bon roy
Edouart qui assega Tournay et conquist Calays, sa fille qui avoit nom Ysabel.
De celle le conte de Guerles ot troix enfans, deux filz et une fille, messire Regnault, messire Edouart et Jehanne, qui puis fut dame et ducesse de Juliers.
SHF 3-224 sync
¶ Tout ainsi comme le preudomme, ce Bertran de Malignes,
au commencement du mariaige de sa fille
au conte de Guerles, en avint, ne on ne luy tint onques nulle loyaulté.
¶ Quant le roy d’Angleterre, Edouart, qui oncle estoit des enffans de Guerles, vint premierement en
Alemaigne devers le roy et empereur Loÿs
de Baviere, et cilz empereur le institua a l’
Empire a estre son vicaire par touttes les marches de l’
Empire, si comme il est
contenu ens ou commencement du premier livre, adont furent faictes les contes de Guerles
ducs de Guerpb 244 v