longtemps, tant pour la
ville de
Grave que pour ces chastiaulx, entre le duc de Guerles et les
Guerlois et la
duchesse de Braibant et des
Brabanchons; et
tenoient la frontiere
Guerlois en ruine et maultalent couvert les
Braibanchons, qui marchissoient a eulx, et leurs faisoient tous les tors que ilz leur
pouoient faire, et especiaulment ceulx qui se tenoient en la
ville de Grave.
SHF 3-234 sync
¶ Entre le
Bois le Duc, qui est de
Braibant, et
Grave n’a que quattre lieues et tout ung plain paÿs et bel pour chevaulchier.
Si faisoient des despis asséz ces
Guerlois sus celle frontiere que je vous
nomme, aux
Braibanchons, et ala la chose si avant que le duc de Guerles passa la mer une saison et s’en vint en
Angleterre veoir le roy, son
cousin, et ses aultres cousins qui, pour ce temps, estoient le duc de
Lancastre, le duc d’Yorth, le duc de Glocestre, et les haulx barrons
d’
Angleterre. On luy fist tres bonne chiere, car on le desiroit a veoir et la
cognoissance et aquointance a avoir; car bien savoient les
Anglois et tous
enfourméz en estoient que ce duc, leur cousin, estoit de cuer et de couraige, de
ymagination et de affection tout anglois.
¶ En ce voyaige il fist grandes aliances au roy d’Angleterre, et pour tant qu’il ne
tenoit riens a ce jour du roy d’Angleterre, pour estre de foy et d’ommaige de ses
hommes, le
roy Richard d’Angleterre luy donna rentes sus ses coffréz, mille mars de
revenue par an, ce sont, a prisier largement, IIII mille frans, et a estre bien paiéz; et luy fut dist que il revillast son droit envers la
duchesse de Braibant et le paÿs, car il seroit servis et aydiéz des
Anglois, tellement que nul blasme ne dommaige il ne recepvroit. Et parmy tant, il jura
aussy a estre loyal en tous services au roy d’Angleterre et au paÿs, et tout
ce fist il liement.
¶ Quant touttes ces ordonnances, convenances et aliances furent faictes, il prist congié au roy et a ses cousins et aux barons d’
Angleterre, et
![](i/link2.gif)
s’en retourna en son paÿs arriere en
Guerles, et recorda au duc de Jullers tout son exploit et comment il estoit fortifiéz des
Anglois.
¶ Le duc de Jullers, qui par experience de aige estoit plus saige que son filz, ne monstra point qu’il en fust trop resjoïs, et luy dist: "Guillaume,
vostre frere tant que moy et vous
porons bien comparer et chier achatter vostre alee en
Angleterre. Ne savéz
vous comment le
duc de Bourgoingne est si puissant que nul duc plus de luy, et est
attendans la
duchié et hiretaige de Braibant? Comment pourréz vous resister contre
si puissant seigneur?"
¶ "Comment?", respondy le duc de Guerles, "plus est riche et puissant,
tant y vault la guerre mieulx. J’ay trop plus chier a avoir a faire a ung riche homme qui tient
grant fuison d’iretaige que a ung petit contelet, ou je pourroie riens conquester. Pour une buffe que je recepvray, j’en donray
pb 251 v