pb 256 v
lieu et telle roche que assault, que on y puet faire, ne leur peut porter nul dommaige, et, nonobstant ces sieges et ces bastides, se yssoient ilz a le foiz hors par une posterne, qui euvre entre deux roches a la couverte, aulcuns compaignons aventureulx, et chevaulchoient sus le paÿs pour trouver aulcuns bons prisonniers. Aultre chose ne ramenoient ilz en leur fort, car ilz ne peurent pour les estroittes montaingnes et divers passages ou ilz passoient, et ce ne pouoit on leur clorre de nul costé ceste yssue ne ceste alee, se a l’aventure, VII ou VIII lieux en sus de leur forton ne les trouvoit sus les champs. Et, quant ilz estoient rentré en la trace de leur chemin, qui bien duroit troix lieues, ilz estoient aussy asseur que dont qu’ilz fussent dedens leur garnison. ¶ Ainsi tindrent ilz ceste ruse ung long temps, et fut le siege plus d’ung an devant le chastel par l’ordonnance que je vous dy, mais on leur tolli grant fuison de redemption de paÿs et de pactis. ¶ Nous nous souffrerons a parler de Ventadour et nous raffreschierons d’aultres matieres.
SHF 3-241 sync
Le duc de Bourgoingne ne mist pas en oubly ce qu’il promist a faire a sa belle ante, la duchesse de Braibant, mais ordonna environ IIIIC lances de bonnes gens d’armes,
Bourgoingnons et aultres, et en fist cappitaines deux chevaliers, le premier, messire Guillaume de La Trimoulle, Bourgoingnon, et l’autre, messire Sarvais de Meraude, Alemant, et leur dyst: "Vous en yréz, a toutte vostre charge, sus les frontieres de Braibant et de Guerles, la ou nostre belle ante et son conseil vous ordonneront a tenir et estre, et faictes bonnes guerre; nous le voulons." ¶ Les deux chevaliers respondirent que ilz estoient tout prest de faire ce que on vouloit. Si ordonnerent leurs besoingnes et manderent leurs gens, et passerent oultre le plus tost qu’ilz peurent et s’avalerent vers Braibant; et seignifierent leur venue a la duchesse et passerent parmi sa terre de Lucembourch. Ilz furent mis et menéz, par l’ordonnance du mareschal de Braibant et du conseil la duchesse, ens es troix chastiaulx que le duc de Guerles calengoit et lesquelx il vouloit ravoir, pour tant qu’ilz avoient esté engaaigiéz: Gaugelch, Buch, Mille. Et la se tindrent en garnison et firent bonne frontiere, et estoient a la foiz sus les champs pour rencontrer leurs ennemis. ¶ Le duc de Guerles se fortifia a l’encontre, et pourvey aussy ses villes et ses chastiaulx a l’encontre de ses ennemis, car il vey bien que la guerre estoit ouverte. ¶ Or advint ainsy que messire pb 257 r
lieu et telle roche que assault, que on y puet faire, ne leur peut porter nul dommaige, et, nonobstant ces sieges et ces bastides, se yssoient ilz a le foiz hors par une posterne, qui euvre entre deux roches a la couverte, aulcuns compaignons aventureulx, et chevaulchoient sus le paÿs pour trouver aulcuns bons prisonniers. Aultre chose ne ramenoient ilz en leur fort, car ilz ne peurent pour les estroittes montaingnes et divers passages ou ilz passoient, et ce ne pouoit on leur clorre de nul costé ceste yssue ne ceste alee, se a l’aventure, VII ou VIII lieux en sus de leur forton ne les trouvoit sus les champs. Et, quant ilz estoient rentré en la trace de leur chemin, qui bien duroit troix lieues, ilz estoient aussy asseur que dont qu’ilz fussent dedens leur garnison. ¶ Ainsi tindrent ilz ceste ruse ung long temps, et fut le siege plus d’ung an devant le chastel par l’ordonnance que je vous dy, mais on leur tolli grant fuison de redemption de paÿs et de pactis. ¶ Nous nous souffrerons a parler de Ventadour et nous raffreschierons d’aultres matieres.
SHF 3-241 sync
Le duc de Bourgoingne ne mist pas en oubly ce qu’il promist a faire a sa belle ante, la duchesse de Braibant, mais ordonna environ IIIIC lances de bonnes gens d’armes, Bourgoingnons et aultres, et en fist cappitaines deux chevaliers, le premier, messire Guillaume de La Trimoulle, Bourgoingnon, et l’autre, messire Sarvais de Meraude, Alemant, et leur dyst: "Vous en yréz, a toutte vostre charge, sus les frontieres de Braibant et de Guerles, la ou nostre belle ante et son conseil vous ordonneront a tenir et estre, et faictes bonnes guerre; nous le voulons." ¶ Les deux chevaliers respondirent que ilz estoient tout prest de faire ce que on vouloit. Si ordonnerent leurs besoingnes et manderent leurs gens, et passerent oultre le plus tost qu’ilz peurent et s’avalerent vers Braibant; et seignifierent leur venue a la duchesse et passerent parmi sa terre de Lucembourch. Ilz furent mis et menéz, par l’ordonnance du mareschal de Braibant et du conseil la duchesse, ens es troix chastiaulx que le duc de Guerles calengoit et lesquelx il vouloit ravoir, pour tant qu’ilz avoient esté engaaigiéz: Gaugelch, Buch, Mille. Et la se tindrent en garnison et firent bonne frontiere, et estoient a la foiz sus les champs pour rencontrer leurs ennemis. ¶ Le duc de Guerles se fortifia a l’encontre, et pourvey aussy ses villes et ses chastiaulx a l’encontre de ses ennemis, car il vey bien que la guerre estoit ouverte. ¶ Or advint ainsy que messire pb 257 r