Guillaume de La Trimoulle, qui
se desiroit a avanchier et a faire chose par quoy on seuist qu’il estoit ou
![](i/link2.gif)
paÿs, jetta
sa visee ung jour a venir en une ville en Guerles, a IIII lieues de son
fort, laquelle on appelle
Straule, et dist tout secretement sa intencion a messire Servais de Meraude, son compaignon, et l’emprinse qu’il vouloit faire. Le chevalier s’i accorda legierement, car il se desiroit aussy a armer et chevaulchier, et
cueillerent leurs compaignons des garnisons qu’ilz tenoient, et se trouverent tout ensamble, et
se departirent environ mienuit de
Buch et chevaulcherent le grant trot vers
Straule, et avoient guides qui les menoient, et vindrent sus le jour asséz pres
de
Straules.
¶ Adont s’arresterent ilz et prindrent nouvelle ordonnance. Et me fut dit que messire
Servais et XXX
lanches d’
Alemans se
departirent de celle routte pour venir devant et conquerir la porte et le tenir, tant que messire Guillaume et la grosse routte seroient venus; car chevaulchier tant de gens
ensamble, on s’en percevroit, mais pour ung petit de gens, on quideroit que ce fussent gens
que le duc de Guerles y envoyast pour raffreschir et en garnison, ou que ses gens
chevaulchassent de garnison a aultre.
¶ Ainsi fut fait comme il fut ordonné, et se departi messire Servais de Meraude atout
XXX lanches d’
Alemans, et chevaulchierent tout devant
devers celle
ville de Straule. Bien trouvoient sus le chemin du matin hommes et
femmes qui aloient a la ville, car en ce jour il estoit jour de marchiet, et, ainsi comme
ilz les trouvoient, ilz les saluoient et passoient en allant ainsi tout oultre.
¶ Ces gens du paÿs quidoient bien que
![](i/link2.gif)
ce feussent des gens du duc de Guerles qui venissent la en garnison. Messire Servais et sa routte chevaulchierent tant
qu’ilz vindrent a la porte et la trouverent toutte ouverte et a petite garde; et estoit si matin que
moult de gens estoient encoires en leurs lis.
¶ Ilz s’arresterent la et furent seigneur de la porte; evous venus tantost, les grans galos, messire Guillaume de La Trimoulle et sa grosse route, et se bouterent en celle ville en escriant leurs cris. Ainsi fut la ville gaaignié, ne oncques deffense n’y eubt,
car les hommes de la ville qui point ne pensoient que
Franchois
deussent faire telle emprinse estoient encoires en leurs lis.
Ce fut la nuit saint Martin en yver que ceste emprinse fut faicte, et la
ville de Straule en Guerles gaingnié, et vous dy que, troix jours en
devant, y estoit entréz ung chevalier d’Angleterre atout dix lances et trente archiers que le
pb 257 v