pb 270 v
de Castille, que il n’y avoit ens es Angloiz ne ou duc de Lancastre nul recouvrier, ilz entrerent en queste de reconquerre a leur aliance et obeïssance le paÿs de Galisse, et ce fut tantost fait. Car cilz des villes, des citéz et des chastiaulx de Galisse avoient plus grande affection a estre devers le roy que le duc de Lancastre, ou cas que il ne pouoit tenir les champs et le paÿs; car, si comme en Lombardie et en Ytalie ilz ont de usaige, ilz ont en Castille et dient: Vive le fort! vive qui vince! ¶ Tout quant que le duc de Lancastre avoit peut assambler de la Pasque tout jusques a l’entree de jullet, tout fut retourné et reconquis en XV jours et raffresquis de nouvelles gens franchois, ou aultre obeïssance au roy de Castille. Et les Anglois depar le duc, qui estoient demouret en Galisse ens es citéz, villes et chastiaulx en garnison, et qui bien et paisieblement se cuidoient tenir et estre tout l’iver, en estoient bouté hors ou doulcement ou hausterement, ou mort les aulcuns qui se cuidoient tenir en leur forte tenure, et les aultres qui faisoient tout mal aler s’en departoient par traittié, ou on leur donnoit saufconduit de rentrer en Portingal ou de passer parmy le paÿs et retourner a Bayonne ou a Bourdiaux. Et de tout ce estoit bien informéz le duc
de Lancastre, qui se tenoit en
la cité du Port, et sy n’y savoit ne pouoit auculnement remedier, dont, se il avoit a la foiz des angoisses et des grans desplaisirs, on ne doit point croire du contraire; car comme est le sire hault et noble et de grant prudence, tant luy sont les desplaisances plus ameres, quant ses besoingnes tournent sus le pilz. Nequedont il faisoit asséz bonne chiere et disoit a la foiz: "Or, se nous avons perdu celle annee, nous arrons par la grace de Dieu aultre saison pour nous. Les fortunes de ce monde sont moult merveilleuses, elles ne pevent pas toudis estre ounies." D’autre part aussy le roy de Portingal le reconfort ce qu’il pouoit et luy disoit: "Sire, vous yvrenréz ychy en ceste terre et escripréz vostre parfait estat a voz freres en Angleterre et a voz amis, quoyque ilz en sachent asséz, et, sus le mars qui retourne, ilz vous envoyeront VC ou VIC lances et IIM archiers. Je remetteray d’aultre part mon pouoir ensamble, car mon peuple est de bonne voulenté a faire guerre en Castille. Si leur ferons une bonne guerre, une saison avient que ung paÿs se pert, a l’autre se regaingne." ¶ Le duc de Lancastre qui ooit le roy de Portingal parler, prendoit en grant gré toutes ses parolles et luy disoit grant merchis. Et touttesfoiz, quoyque le roy fust son filz, car il avoit sa fille, et qu’il luy desist ce de bonne pb 271 r
de Castille, que il n’y avoit ens es Angloiz ne ou duc de Lancastre nul recouvrier, ilz entrerent en queste de reconquerre a leur aliance et obeïssance le paÿs de Galisse, et ce fut tantost fait. Car cilz des villes, des citéz et des chastiaulx de Galisse avoient plus grande affection a estre devers le roy que le duc de Lancastre, ou cas que il ne pouoit tenir les champs et le paÿs; car, si comme en Lombardie et en Ytalie ilz ont de usaige, ilz ont en Castille et dient: Vive le fort! vive qui vince! ¶ Tout quant que le duc de Lancastre avoit peut assambler de la Pasque tout jusques a l’entree de jullet, tout fut retourné et reconquis en XV jours et raffresquis de nouvelles gens franchois, ou aultre obeïssance au roy de Castille. Et les Anglois depar le duc, qui estoient demouret en Galisse ens es citéz, villes et chastiaulx en garnison, et qui bien et paisieblement se cuidoient tenir et estre tout l’iver, en estoient bouté hors ou doulcement ou hausterement, ou mort les aulcuns qui se cuidoient tenir en leur forte tenure, et les aultres qui faisoient tout mal aler s’en departoient par traittié, ou on leur donnoit saufconduit de rentrer en Portingal ou de passer parmy le paÿs et retourner a Bayonne ou a Bourdiaux. Et de tout ce estoit bien informéz le duc
de Lancastre, qui se tenoit en la cité du Port, et sy n’y savoit ne pouoit auculnement remedier, dont, se il avoit a la foiz des angoisses et des grans desplaisirs, on ne doit point croire du contraire; car comme est le sire hault et noble et de grant prudence, tant luy sont les desplaisances plus ameres, quant ses besoingnes tournent sus le pilz. Nequedont il faisoit asséz bonne chiere et disoit a la foiz: "Or, se nous avons perdu celle annee, nous arrons par la grace de Dieu aultre saison pour nous. Les fortunes de ce monde sont moult merveilleuses, elles ne pevent pas toudis estre ounies." D’autre part aussy le roy de Portingal le reconfort ce qu’il pouoit et luy disoit: "Sire, vous yvrenréz ychy en ceste terre et escripréz vostre parfait estat a voz freres en Angleterre et a voz amis, quoyque ilz en sachent asséz, et, sus le mars qui retourne, ilz vous envoyeront VC ou VIC lances et IIM archiers. Je remetteray d’aultre part mon pouoir ensamble, car mon peuple est de bonne voulenté a faire guerre en Castille. Si leur ferons une bonne guerre, une saison avient que ung paÿs se pert, a l’autre se regaingne." ¶ Le duc de Lancastre qui ooit le roy de Portingal parler, prendoit en grant gré toutes ses parolles et luy disoit grant merchis. Et touttesfoiz, quoyque le roy fust son filz, car il avoit sa fille, et qu’il luy desist ce de bonne pb 271 r