de Guerles, et prendre la vengance des haustres et felles deffiances dont le duc de
Guerles l’avoit deffiet.
¶ Or ymaginoient les saiges, qui bien concevoient et pesoient l’affaire, ung trop grant peril
pour le royaulme, car ilz entendoient et clerement veoient que le duc de
Bretaingne ne vouloit
![](i/link2.gif)
venir ne descendre a rayson, mais tenoit son pourpos,
lequel estoit moult prejudiciable contre l’onneur et la magesté souverainnement du
royaulme de France, que d’avoir pris le connestable et raençonné a cent
mille frans et a troix chastiaulx et une bonne ville.
Et entendoient encoires les seigneurs, qui du conseil du roy le plus se chargoient et
ensonnioient, que le duc de Bretaingne avoit grans traittiéz au roy d’Angleterre et aux
Anglois, et que il pourveoit fortement et estoffeement ses villes
et ses chastiaulx parmy
Bretaingne, et acqueroit de toutes pars amis et
aliances.
¶ Tant que des barons et prelas et nobles de Bretaingne, voires la greingneur partie
et la plus saine, on ne savoit que faire de doubter en France, non que ilz
voulsissent demourer deléz le duc a l’encontre du
royaulme de France;
tout ce ne feroient ilz jamais, car les
chevaliers et escuiers de Bretaingne sont bons
et loyaulx Franchoiz. Mais on se doubtoit en France, et a bonne cause, que,
se le roy se departoit et sa puissance,
car aultrement se pouoit il aler en
Alemaigne, que le duc de Bretaingne ne mesist en son paÿs, fuist a
Saint Malo, ou a Saint Mahieu, ou a Lambale, ou a
Camperlé, ou a Lancrigié, ou en Garlande, ou a Kence, ou a
Vennes, ou sus
les bendes de la mer, la ou les
Anglois voudroient descendre; les
Anglois en plus belle entree ne pourroient ilz avoir en France que par
Bretaingne. Si ne savoit on comment a l’onneur du roy et du royaulme on peust ce duc brisier.
¶ Bien est verité que les aulcuns nobles du roy
![](i/link2.gif)
mettoient en termes et
disoient: "Ce sera grant blasme, se le roy brise son voyaige pour ce duc de
Bretaingne qui n’est pas encoires sire de son paÿs, en tant que les barons
et les chevaliers et escuiers de Bretaingne ne seroient jamais contre nous pour tenir
l’oppinion du duc. Le roy, ou nom de Dieu, fache son voyaige, et le connestable et les
Bretons demeurent en leur paÿs et gardent
la terre."
¶ Ceste parolle fut grandement soustenue ou conseil du roy, et les aultres disoient: "Nennil, ce ne se puelt faire. Le roy ne feroit jamais ce voyaige sans son
connestable, car il scet que c’est de guerre plus que nulz aultres chevaliers." Dont
arguoient les aultres et respondoient: "Si demeure le roy; il doit souffrir si ses deux oncles ou l’ung y va.
Monseigneur de Bourgoingne y
voist et enmainne II
M lances
pb 273 v