pb 275 r
Si vindrent le second jour en l’isle de Wisque, et la s’esbatirent tant que le vent leur revint. Si rentrerent en leur vaisseaulx et puis tournerent vers Normendie, et ne tiroient a prendre terre nulle part fors a frontier les terres de Normendie et de Bretaingne, tant que aultres nouvelles leur venroient; et avoient en leur armee vassiaulx que on appelle balengiers coursiers qui frontioient sus la mer et voloient devant pour trouver les aventures, ainsi que par terre aulcuns chevaliers et escuiers montent sus fleurs de coursiers, volent devant les batailles et chevaulchent pour descouvrir les embusches. SHF 3B-261 sync En ce temps et en ce meisme moys de may s’esmurent les nobles de Brabant, chevaliers et escuiers et bonnes villes, sur l’entente que pour aler mettre la ville le siege devant la ville de Grave, et disoient ainsi les Brabanchons: "Nous entendons que le roy de France a puissance vuelt venir en ce paÿs et entrer en Guerles; il nous monstre grant amour, a tout le moins monstrons luy aussy que la guerre est nostre, et faisoit tant que nous aions honneur. Alons et conquerrons, soit par siege ou par assault, la ville de Grave. Si arrons une belle entree et a nostre ayse, et le roy aussy, en la duchié de Guerles. Ce ne nous devroit pas trop longuement tenir."
¶ De ceste emprinse estoit trop grandement resjouÿ la duchesse de Braibant, et en savoit a ses gens, de la bonne voulenté que ilz luy monstroient, tres grant gré. Sus cest estat ilz ne misrent nul delay, mais se departirent les hommes par connestablies des bonnes villes de Braibant, de Brouxelles, de Louvain, de Nivelle, de Liere, et de toutes les aultres villes; et se mirent sus les champs en grant arroy et en bonrie ordonnance, et firent arouter grant caroy et grant foison d’aournemens d’assaulx, engiens, canons, trebus, espringales, brigoles et ars a tour, et tout ce dont ilz pensoient a avoir mestier; et de tentes et de trefz et de pavillons grant foison, et de vivres bien et larguement; et prisent les chemin de le Campine et esploittierent tant qu’ilz vindrent au Bos le Duc, une bonne ville en Braibant a IIII lieues de Grave, et la s’assamblerent de tout le paÿs et puis s’en vindrent mettre le siege et le bastir moult poissaument devant la ville de Grave qui est forte asséz, et firent deschier leurs engiens devant par bonne ordonnance. ¶ Aussy barons, chevaliers et escuiers qui acquittier se vouloient devers leur dame la duchesse, se logoient chascun sire selon son estat et entre ses gens, par l’ordonnance du mareschal. La duchesse de Braibant, pour mieux monstrer que la chose luy plaisoit pb 275 v
Si vindrent le second jour en l’isle de Wisque, et la s’esbatirent tant que le vent leur revint. Si rentrerent en leur vaisseaulx et puis tournerent vers Normendie, et ne tiroient a prendre terre nulle part fors a frontier les terres de Normendie et de Bretaingne, tant que aultres nouvelles leur venroient; et avoient en leur armee vassiaulx que on appelle balengiers coursiers qui frontioient sus la mer et voloient devant pour trouver les aventures, ainsi que par terre aulcuns chevaliers et escuiers montent sus fleurs de coursiers, volent devant les batailles et chevaulchent pour descouvrir les embusches. SHF 3B-261 sync En ce temps et en ce meisme moys de may s’esmurent les nobles de Brabant, chevaliers et escuiers et bonnes villes, sur l’entente que pour aler mettre la ville le siege devant la ville de Grave, et disoient ainsi les Brabanchons: "Nous entendons que le roy de France a puissance vuelt venir en ce paÿs et entrer en Guerles; il nous monstre grant amour, a tout le moins monstrons luy aussy que la guerre est nostre, et faisoit tant que nous aions honneur. Alons et conquerrons, soit par siege ou par assault, la ville de Grave. Si arrons une belle entree et a nostre ayse, et le roy aussy, en la duchié de Guerles. Ce ne nous devroit pas trop longuement tenir."
¶ De ceste emprinse estoit trop grandement resjouÿ la duchesse de Braibant, et en savoit a ses gens, de la bonne voulenté que ilz luy monstroient, tres grant gré. Sus cest estat ilz ne misrent nul delay, mais se departirent les hommes par connestablies des bonnes villes de Braibant, de Brouxelles, de Louvain, de Nivelle, de Liere, et de toutes les aultres villes; et se mirent sus les champs en grant arroy et en bonrie ordonnance, et firent arouter grant caroy et grant foison d’aournemens d’assaulx, engiens, canons, trebus, espringales, brigoles et ars a tour, et tout ce dont ilz pensoient a avoir mestier; et de tentes et de trefz et de pavillons grant foison, et de vivres bien et larguement; et prisent les chemin de le Campine et esploittierent tant qu’ilz vindrent au Bos le Duc, une bonne ville en Braibant a IIII lieues de Grave, et la s’assamblerent de tout le paÿs et puis s’en vindrent mettre le siege et le bastir moult poissaument devant la ville de Grave qui est forte asséz, et firent deschier leurs engiens devant par bonne ordonnance. ¶ Aussy barons, chevaliers et escuiers qui acquittier se vouloient devers leur dame la duchesse, se logoient chascun sire selon son estat et entre ses gens, par l’ordonnance du mareschal. La duchesse de Braibant, pour mieux monstrer que la chose luy plaisoit pb 275 v