veté, et s’enfuyoient vers le
Bos le Duc, ou vers
Heusdem,
ou le
Mont Sainte Gertruude ou
Dourdrecht, ilz n’avoient
cure ou, pour eslongier leurs ennemis. Et, se ceulx de Grave, les hommes de la ville
et ceulx qui se tenoient en la garnison depar le duc de Guerlles, eussent sceu tempré
asséz la desconfiture qui se faisoit sus les
Braibanchons, ilz eussent
grandement fait leur prouffit et en euissent biaucop ruet jus et retaint; mais point ne le sceurent
jusques a bien tart. Nonobstant, quant ilz yssirent
![](i/link2.gif)
hors, ilz trouverent grant fuison
de tentes, de trés, de pavillons et de pourveances, d’engiens dreschiéz, et de canons et
d’artillerie, et tout recueillierent et enmenerent en leur ville a grant loisir, car nulz ne
leur deffendoit ne aloit au devant.
¶ Ainsi se porta le departement du siege de
Grave, et rechurent les
Braibanchons ce dommaige, dont il en fut grant nouvelle en pluseurs paÿs, comment
une poignie de gens en desconfirent XL
M et leverent le siege; et la
furent pris le grand sire de Borgneval, le sire de Gauche, le sire de
Lintre et tant d’aultres que jusques a XVII banieres, et en trouveréz les
pennons devant l’ymaige Nostre Dame a
Nymaie, affin que il
soit perpetuelle memoire.
SHF 3B-278 sync
A painne puis je recorder ne escripre, pour honneur, la honteuse desconfiture qui fut ce jour sus les
Braibanchons; mais ou cas que j’en ay promis, si comme je ennarray ens ou chief de mon livre, ou cas que je vueil tout cronisier et faire
juste hystoire, il m’en fault faire vraye et bonne ennarracion, sur qui que la fortune tourne. Le jonne duc de Guerlles eubt ceste journee pour luy, qui fut en l’an
de Grace mil III
C IIII
XX et VIII, environ le Magdalaine,
ou moys de jullet.
¶ Quant la desconfiture et la chace fut passee et le champs tout delivré,
et se fust tantost ![](i/link2.gif)
grandement resjoïs, et bien le devoit estre, de la belle aventure qu’ilz avoient, car ilz
tenoient autant de prisonniers ou plus qu’ilz ne furent de gens.
¶ La estoient les heraulx de leur costé, qui cherchoient les mors, et qui avoient esté entre les
batailles. Entre les mors y fut occis en bel fait d’armes ung jonne chevalier de la conté de
Namur, qui s’appelloit messire Gauthier de Zelles de Balastre; de laquelle mort et
aventure le duc de Guerles, quant on luy compta, fut trop durement courrouchiéz et
le plaindi, et bien le monstra, et dist que la mort du jonne chevalier desplaisoit a luy
grandement, car il estoit gracieulx homme, abile, courtois
pb 298 r