pb 300 v
le duc, a Borgensi, avoit sa navie toutte appareillié. Si se mist en une belle nefz, le seigneur de Montfort et le seigneur de Malatrait en sa compaingnie, et se fist nagier tout contreval la riviere de Loire, et passa dessoubz le pont de Blois, et ainsi aval la riviere. Il fist tant qu’il se trouva en la chité de Nantes, et la fut il en son paÿs. ¶ Nous nous souffrerons a parler du duc de Bretaingne, car il me samble qu’il a bien tenu son convenant au roy et a ses oncles, et n’a fait chose qui a rementevoir fache, ne n’avoit fait au jour que je cloy ce livre. Je ne say se il n’en fera nulle. Se il les fait, j’en parleray selonc ce que je en seray enforméz, et retournerons au roy de France qui s’ordonnoit moult fort pour aler en Guerlles. Quant le sire de Couchy fut revenus a Monstrouel four Ione devers le roy et ses oncles, il leur recorda comment il avoit exploittié, et que tous chevaliers et escuiers en Bar, en Loraine, en Bourgoingne et partout jusques oultre la riviere du Rin et dou Soire, estoient resveilliet et appareilliet d’aler en ce voyaige avecques luy. Le roy en eubt grant joye et dist que, s’il plaisoit a Dieu, il verroit en cel
an ses cousins de
Jullers et le duc de Guerlles.
¶ Or fut de commencement parlementé et regardé par ou on pour
roit passer, pour le meilleur et le plus aisé et le plus brief. Les aulcuns disoient que le droit chemin estoit de descendre en le Terasse et de passer sus les frontieres de Haynnau et de Liege, et passer parmy Braibant et entrer par la en Guerlles, ou passer la riviere de Meuse a Tret sur Meuse et, la Meuse passee, on entreroit tantost en la terre du duc de Jullers et de la en Guerlles. ¶ Sus cel estat le roy et les consaulx en escripsirent et envoierent devers la duchesse de Braibant et le paÿs, en remonstrant quel chemin le roy de France et ses vouloient faire. Il plaisoit moult bien a la duchesse, mais le paÿs de Braibant n’estoit mie de leur accort, et distrent que ja le roy ne les François n’auroient voyaige ne passaige par la, et que trop y prenderoient grant dommaige. Les bonnes villes de Braibant et les chevaliers furent tous de ceste oppinion, et distrent bien a la duchesse, leur dame, que, se elle mettoit les Franchois en son paÿs, jamais pour la guerre de Guerlles ne s’armeroient, mais se clorroient tout, et yroient au devant deffendre et garder les chemins et leur terre, car ilz seroient plus perdu asséz et destruit par ces passans que dont que leurs ennemis fussent en my leur paÿs. ¶ Quant la duchesse de Braibant entendi et vey la voulenté de ses gens, et tant des chevaliers comme des pb 301 r
le duc, a Borgensi, avoit sa navie toutte appareillié. Si se mist en une belle nefz, le seigneur de Montfort et le seigneur de Malatrait en sa compaingnie, et se fist nagier tout contreval la riviere de Loire, et passa dessoubz le pont de Blois, et ainsi aval la riviere. Il fist tant qu’il se trouva en la chité de Nantes, et la fut il en son paÿs. ¶ Nous nous souffrerons a parler du duc de Bretaingne, car il me samble qu’il a bien tenu son convenant au roy et a ses oncles, et n’a fait chose qui a rementevoir fache, ne n’avoit fait au jour que je cloy ce livre. Je ne say se il n’en fera nulle. Se il les fait, j’en parleray selonc ce que je en seray enforméz, et retournerons au roy de France qui s’ordonnoit moult fort pour aler en Guerlles. Quant le sire de Couchy fut revenus a Monstrouel four Ione devers le roy et ses oncles, il leur recorda comment il avoit exploittié, et que tous chevaliers et escuiers en Bar, en Loraine, en Bourgoingne et partout jusques oultre la riviere du Rin et dou Soire, estoient resveilliet et appareilliet d’aler en ce voyaige avecques luy. Le roy en eubt grant joye et dist que, s’il plaisoit a Dieu, il verroit en cel
an ses cousins de
Jullers et le duc de Guerlles.
¶ Or fut de commencement parlementé et regardé par ou on pourroit passer, pour le meilleur et le plus aisé et le plus brief. Les aulcuns disoient que le droit chemin estoit de descendre en le Terasse et de passer sus les frontieres de Haynnau et de Liege, et passer parmy Braibant et entrer par la en Guerlles, ou passer la riviere de Meuse a Tret sur Meuse et, la Meuse passee, on entreroit tantost en la terre du duc de Jullers et de la en Guerlles. ¶ Sus cel estat le roy et les consaulx en escripsirent et envoierent devers la duchesse de Braibant et le paÿs, en remonstrant quel chemin le roy de France et ses vouloient faire. Il plaisoit moult bien a la duchesse, mais le paÿs de Braibant n’estoit mie de leur accort, et distrent que ja le roy ne les François n’auroient voyaige ne passaige par la, et que trop y prenderoient grant dommaige. Les bonnes villes de Braibant et les chevaliers furent tous de ceste oppinion, et distrent bien a la duchesse, leur dame, que, se elle mettoit les Franchois en son paÿs, jamais pour la guerre de Guerlles ne s’armeroient, mais se clorroient tout, et yroient au devant deffendre et garder les chemins et leur terre, car ilz seroient plus perdu asséz et destruit par ces passans que dont que leurs ennemis fussent en my leur paÿs. ¶ Quant la duchesse de Braibant entendi et vey la voulenté de ses gens, et tant des chevaliers comme des pb 301 r