Zodon et
presentéz au conte de
![](i/link2.gif)
Douglas et aux aultres qui tantost l’examinerent, car ilz veirent bien qu’il estoit
Anglois. Ilz vouloient savoir qui la l’envoioit. Trop envis le disoit; touttesfoiz il fut
menéz si avant qu’il cognut toutte verité, car on luy dist: s’il ne le disoit, sans merchy on luy
trencheroit la teste, et, s’il le disoit verité, il n’aroit garde de mort.
¶ La cognut il pour sa sauvation que le barons de
Northombreland l’avoient la envoiet pour savoir l’estat de leur chevaulchee, et quel part ilz se
vouloient traire.
¶ De ceste parolle furent grandement resjoÿs les barrons d’
Escoce, et ne
voulsissent point pour mille mars que ilz ne l’eussent retenu et parlé a luy.
¶ Adont fut il demandéz quel part les seigneurs de
Northombreland estoient,
et se entre eulx n’a nul apparant de chevaulchier, et lequel chemin en Eschoche ilz vouloient tenir, ou selonc la marine par Vernich et par
Dombaire, ou le hault chemin par la conté de Montres et devers Strimelin. Il respondy et dist: "Seigneurs, puisqu’il convient que je
cognoisse verité, je le diray. Quant je me departi de eulx et du
Neufchastel sur Thin, il n’estoit encoires nul apparant de leur chevaulchie, mais ilz sont tout pourveü pour
partir du jour a l’endemain et, si tost qu’ilz soront que vous chevalcheréz et que vous entreréz
en
Angleterre, ilz ne venront point au devant de vous, car ilz ne
sont point gens asséz pour combattre si grant peuple; on dist en
Angleterre
que vous mettréz ensamble." "Et quel nombre dist on en
Northombre
lant", demanda le conte de Moret, "que nous serons?" "On dist, sire," respondy l’escuier, "que vous seréz bien XL
M hommes et XII
C lances et, pour brisier vostre fait, se
vous prendéz le chemin de Galles, ilz prendront le chemin de Bernich pour venir par
Dombare a
Hamdebourch et
Dalquest; et, se vous prendéz le chemin la, ilz prenderont le chemin de
Carduel et de Carlion pour entrer par les montaingnes en ce
paÿs."
¶ Quant les seigneurs d’
Escoce oyrent ce, si se cesserent de parler et
regarderent l’ung sus l’autre. Adont fut pris l’escuier anglois et recommandéz au chastelain de Gedours qu’il le gardast bien et qu’il en rendesist bon compte, et puis
parlerent ensamble et eurent nouvel advis et conseil en ce propre lieu de Zodon.
SHF 3-285 sync
Trop estoient resjoÿs les compaingnons de Zodon et d’
Escoche et tenoient ceste aventure a belle de ce qu’ilz savoient ainsi veritablement le
convenant de leurs ennemis, et regarderent sus ce comment ilz s’en cheviroient.
¶ Les plus saiges et les mieulx uséz d’armes parlerent. C’estoient messire Archebaus
pb 307 r