pb 316 r
et les Toussains il fait voulentiers des fors vens et perilleux sus le mer. Encoires en fist il adont ung tres grant vent qui se bouta entre la navie d’Angleterre et tellement qu’il les espardy durement et eslonga l’un de l’autre, et n’y avoit si hardi maronnier qui ne fust tous esbahis pour le grant vent qu’il faisoit, et tant qu’il convint, par force de vent ou pilz avoir, prendre terre et port le conte d’Arondel, luy XXVIIe de vaisseaulx, a deux petites lieues de La Rochelle, en ung haverne que l’on dit la Palouche. Et ancrerent et arresterent la, voulsissent ou non, et avoient le vent si fort venant de mer sus eulx qu’ilz ne s’en pooient partir. ¶ Quant les nouvelles furent venues en La Rochelle, si se doubterent de premier les Rochellois que les Anglois ne venissent la pour eulx porter dommaige, et cloïrent leurs portes et se tindrent la en dedens tout enserré sans partir, et furent ainsi bien jour et demy. Et leur revindrent aultres nouvelles aux Rocellois de cheux de la Palice, que les Anglois n’estoient que XXVII vaisseaulx, et que grant vent et fortune de mer les avoit la boutéz et ne tiroient que au partir; et touttesfoiz le conte d’Arondel, messire Henry de Biaumont, messire Guillaume Helmen et
plus de
XXX chevaliers d’Angleterre estoient
la. Si se conseillierent entre eulx les Rocellois quel chose ilz feroient. Tout
consideré, ilz distrent que ilz ne s’acquitteroient pas bien, s’ilz ne les aloient escharmuchier.
¶ En ce temps seoit devant le chastel de Bouteville messire Loÿs de Sansoirre,
mareschaulx de Franche, et avoit la enclos Guillonet de Sainte Foy, Gascon,
atout grande chevallerie de Poitou, de Saintonge, de Pierregorth, de La Rocelle et des basses marces, car tous
n’estoient point aléz en Alemaingne avecques le roy de France, et messire Loÿs estoit regart souverain et cappittaines de toutes les frontieres, mouvans
de Montpellier jusques en La Rochelle, tant que le sire
de Couchy qui en gouvernoit une partie fuist retournéz du voyaige d’Allemaingne.
¶ Si s’aviserent les Rocellois qu’ilz signifieroient tout a messire Loÿs, ainsi qu’ilz firent. Si luy signifierent. Si tost comme il sceut les nouvelles, il fut moult
resjoÿs et manda a ceulx de La Rochelle qu’ilz arrivassent VI ou VIII galees et
mesissent hors de leurs havene, car il venroit combattre les Anglois.
Ilz le firent. Messire Loÿs se departi de son siege et le rompi pour celle besoingne,
car vis luy estoit que de combattre le pb 316 v
et les Toussains il fait voulentiers des fors vens et perilleux sus le mer. Encoires en fist il adont ung tres grant vent qui se bouta entre la navie d’Angleterre et tellement qu’il les espardy durement et eslonga l’un de l’autre, et n’y avoit si hardi maronnier qui ne fust tous esbahis pour le grant vent qu’il faisoit, et tant qu’il convint, par force de vent ou pilz avoir, prendre terre et port le conte d’Arondel, luy XXVIIe de vaisseaulx, a deux petites lieues de La Rochelle, en ung haverne que l’on dit la Palouche. Et ancrerent et arresterent la, voulsissent ou non, et avoient le vent si fort venant de mer sus eulx qu’ilz ne s’en pooient partir. ¶ Quant les nouvelles furent venues en La Rochelle, si se doubterent de premier les Rochellois que les Anglois ne venissent la pour eulx porter dommaige, et cloïrent leurs portes et se tindrent la en dedens tout enserré sans partir, et furent ainsi bien jour et demy. Et leur revindrent aultres nouvelles aux Rocellois de cheux de la Palice, que les Anglois n’estoient que XXVII vaisseaulx, et que grant vent et fortune de mer les avoit la boutéz et ne tiroient que au partir; et touttesfoiz le conte d’Arondel, messire Henry de Biaumont, messire Guillaume Helmen et
plus de
XXX chevaliers d’Angleterre estoient
la. Si se conseillierent entre eulx les Rocellois quel chose ilz feroient. Tout
consideré, ilz distrent que ilz ne s’acquitteroient pas bien, s’ilz ne les aloient escharmuchier.
¶ En ce temps seoit devant le chastel de Bouteville messire Loÿs de Sansoirre,
mareschaulx de Franche, et avoit la enclos Guillonet de Sainte Foy, Gascon,
atout grande chevallerie de Poitou, de Saintonge, de Pierregorth, de La Rocelle et des basses marces, car tous
n’estoient point aléz en Alemaingne avecques le roy de France, et messire Loÿs estoit regart souverain et cappittaines de toutes les frontieres, mouvans
de Montpellier jusques en La Rochelle, tant que le sire
de Couchy qui en gouvernoit une partie fuist retournéz du voyaige d’Allemaingne.
¶ Si s’aviserent les Rocellois qu’ilz signifieroient tout a messire Loÿs, ainsi qu’ilz firent. Si luy signifierent. Si tost comme il sceut les nouvelles, il fut moult
resjoÿs et manda a ceulx de La Rochelle qu’ilz arrivassent VI ou VIII galees et
mesissent hors de leurs havene, car il venroit combattre les Anglois.
Ilz le firent. Messire Loÿs se departi de son siege et le rompi pour celle besoingne,
car vis luy estoit que de combattre le pb 316 v