pb 327 r
contenu, l’evesque de Durem, avec tout l’arriere ban de l’archeveschié d’Yorth et de la seneschaudie d’Iorth et de Durem des frontieres de Northombrelant, estoit entréz en la ville du Noefchastel et y avoit soupé. Entreus que cest evesque estoit sis a table, ymaginacion luy estoit venue devant, et luy estoit vis qu’il n’aquitoit pas bien son honneur, quant il savoit que leurs gens chevaulchoient et estoient alé a l’encontre des Escoçois qui au matin estoient party de la et avoient aux barrieres fait escharmuche. ¶ Quant ceste ymagination luy fut venue et il ot bien parfaictement pensé a la deshonneur qu’il avoit plus grande de sejourner en la ville que de chevaulcier et yssir, si fist soudainement oster la table et demanda ses armeures, et fist enseller ses chevaux et sonner ses trompettes par toutte la ville. Tous ceulx qui estoient venu au Neufchastel avec luy furent esmerveilliéz quel chose il vouloit faire ne ou il vouloit aler, car il estoit
tout noir nuit, et tous estoient desarméz et les pluseurs ja couchiéz, car ce
jour ilz estoient travailliéz de ceminer. Nequedont, au son des trompettes de l’evesque qui estoit leur chief et leur conduiseur, touttes gens se leverent, armerent, appareillierent
a pié et a cheval et s’en vindrent a la place devant l’ostel
du dit evesque qui ja estoit tout prest et ses chevaulx enseellés. ¶ Quant il puet cognoistre et sentir que tous estoient venus, si monta a cheval, et monterent aussy tous les aultres, et issirent hors par la porte de Bernich; et estoient bien VIII heures en la nuit, et se trouverent bien VIIM hommes que a piet que a cheval. Quant ilz furent sus les champs, tous s’arresterent pour attendre l’un l’autre. On demanda a l’evesque quel chemin il vouloit tenir: "Celuy qui le plus tost nous amenra a nos gens." La n’y avoit homme quel qui sceuist ne peuist savoir ou leur gens estoient, car nulz n’estoit encoires retournéz de la bataille. ¶ La s’arresterent ilz sus les champs pour savoir et pour ymaginer par advis se ilz prenderoient le chemin de Bernich ou de Roseaudal ou le chemin des montaingnes; et en estoient entr’eulx en grant estrif. ¶ La disoient les aulcuns l’un a l’autre: "Ce est grant oultraige et petit sens de cheminer a ceste heure quant nous ne savons ou nous alons, et trop nous pourroit couster ceste folie."
¶ Entreus comme ilz estoient en ce parti et que ilz cheminoient tout resoingaument, car ilz ne
savoient au voir dire quel chemin ilz devoient tenir, adont nouvelles leur vindrent des fuyans
qui estoient tous esbahis et esgaréz, ainsi que gens pb 327 v
contenu, l’evesque de Durem, avec tout l’arriere ban de l’archeveschié d’Yorth et de la seneschaudie d’Iorth et de Durem des frontieres de Northombrelant, estoit entréz en la ville du Noefchastel et y avoit soupé. Entreus que cest evesque estoit sis a table, ymaginacion luy estoit venue devant, et luy estoit vis qu’il n’aquitoit pas bien son honneur, quant il savoit que leurs gens chevaulchoient et estoient alé a l’encontre des Escoçois qui au matin estoient party de la et avoient aux barrieres fait escharmuche. ¶ Quant ceste ymagination luy fut venue et il ot bien parfaictement pensé a la deshonneur qu’il avoit plus grande de sejourner en la ville que de chevaulcier et yssir, si fist soudainement oster la table et demanda ses armeures, et fist enseller ses chevaux et sonner ses trompettes par toutte la ville. Tous ceulx qui estoient venu au Neufchastel avec luy furent esmerveilliéz quel chose il vouloit faire ne ou il vouloit aler, car il estoit
tout noir nuit, et tous estoient desarméz et les pluseurs ja couchiéz, car ce
jour ilz estoient travailliéz de ceminer. Nequedont, au son des trompettes de l’evesque qui estoit leur chief et leur conduiseur, touttes gens se leverent, armerent, appareillierent
a pié et a cheval et s’en vindrent a la place devant l’ostel du dit evesque qui ja estoit tout prest et ses chevaulx enseellés. ¶ Quant il puet cognoistre et sentir que tous estoient venus, si monta a cheval, et monterent aussy tous les aultres, et issirent hors par la porte de Bernich; et estoient bien VIII heures en la nuit, et se trouverent bien VIIM hommes que a piet que a cheval. Quant ilz furent sus les champs, tous s’arresterent pour attendre l’un l’autre. On demanda a l’evesque quel chemin il vouloit tenir: "Celuy qui le plus tost nous amenra a nos gens." La n’y avoit homme quel qui sceuist ne peuist savoir ou leur gens estoient, car nulz n’estoit encoires retournéz de la bataille. ¶ La s’arresterent ilz sus les champs pour savoir et pour ymaginer par advis se ilz prenderoient le chemin de Bernich ou de Roseaudal ou le chemin des montaingnes; et en estoient entr’eulx en grant estrif. ¶ La disoient les aulcuns l’un a l’autre: "Ce est grant oultraige et petit sens de cheminer a ceste heure quant nous ne savons ou nous alons, et trop nous pourroit couster ceste folie."
¶ Entreus comme ilz estoient en ce parti et que ilz cheminoient tout resoingaument, car ilz ne
savoient au voir dire quel chemin ilz devoient tenir, adont nouvelles leur vindrent des fuyans
qui estoient tous esbahis et esgaréz, ainsi que gens pb 327 v