pb 329 r
pres de luy, et vey comment cilz se departoit. Messires Jaques, qui bien estoit montéz sus ung bon coursier, entra en chache apréz luy et le sievy de moult prez, la lance en sa main et la hache au col. ¶ Et dura ceste cache entre eulx deulx plus de troix lieues anglesces, car messire Mahieu estoit aussy bien montéz sus bon coursier, et n’estoient que eulx deulx sus le chemin; et s’ilz trouvoient nul fuyant, ilz n’en faisoient nul compte, mais les passoient ou ilz les destournoient. Une foiz ou deulx messire Jaquemes de Lindesee qui chachoit, et pas ne savoit qui, fors tant qu’il veoit bien que cilz estoit chevalier, li avoit dit: "Retournéz vous, ce n’est pas honneur de tousjours fuir. Je vous asseure de tout homme fors de moy, et se vous me pouéz desconfire; je suy messire Jaques Lindesee." ¶ Quant messire Mahieu oy ceste parolle, il s’arresta sus son pas, et mist son espee devant soy, et monstra chiere et samblant de vaillant chevalier et de deffense. Mesire Jacques de Lance le cuida ferir de sa lance, mais il failli, et quant il vey que il avoit failly, il le getta jus et se prist a la hace, dont bien se seult ensonnier, et l’Anglois son espee. La commencierent ilz a tournoier ensamble moult longuement. En ce tourniement, messire Jaquemes de Lindesee luy demanda en son
langaige: "Chevalier, qui es tu?"
Il respondy:
¶ "Je suy Mahieu Rademen." "Voires," dist il, "puisque
nous sommes en ce parti, je te conquerray ou tu me conquerras."
¶ Lors recommença la bataille et tout a cheval; et n’avoit l’ung aultre deffense d’armeures que
son espee, et l’autre sa hace. Messire Mahieu perdy son espee, car a un coup de
retour il luy vola hors de la main. Par ce parti fut pris et conquis l’Anglois, mais il
dist bien: "Lindesee, vous me feréz bonne compaingnie." "Par saint Gorge," respondy le chevalier, "vous dictes voir. Et de
commencement, puisque vous estes mon prisonnier, que vouléz vous que je face?" "Je vueil", dist messire Mahieu Rademen, "que vous me fachiéz grace de
retourner au Noefchastel, et dedens le jour de la Saint Michiel
je seray a Dombaire ou en Hamdebourch ou quelque part
que vous vouldréz en Escoche." "Je le vueil", dist le chevalier d’Escoche. "Dedens le jour que mis y avéz, vous seréz en Hamdebourch."
¶ A ces motz, il prindrent congié l’ung de l’autre. Messire Mahieu Rademen s’en
retourna vers le Noefchastel, et chevaulcha tout le petit pas, pour tant que
son cheval estoit moult foulé.
Or vous recorderay je une merveilleuse aventure qu’il avint au chevalier pb 329 v
pres de luy, et vey comment cilz se departoit. Messires Jaques, qui bien estoit montéz sus ung bon coursier, entra en chache apréz luy et le sievy de moult prez, la lance en sa main et la hache au col. ¶ Et dura ceste cache entre eulx deulx plus de troix lieues anglesces, car messire Mahieu estoit aussy bien montéz sus bon coursier, et n’estoient que eulx deulx sus le chemin; et s’ilz trouvoient nul fuyant, ilz n’en faisoient nul compte, mais les passoient ou ilz les destournoient. Une foiz ou deulx messire Jaquemes de Lindesee qui chachoit, et pas ne savoit qui, fors tant qu’il veoit bien que cilz estoit chevalier, li avoit dit: "Retournéz vous, ce n’est pas honneur de tousjours fuir. Je vous asseure de tout homme fors de moy, et se vous me pouéz desconfire; je suy messire Jaques Lindesee." ¶ Quant messire Mahieu oy ceste parolle, il s’arresta sus son pas, et mist son espee devant soy, et monstra chiere et samblant de vaillant chevalier et de deffense. Mesire Jacques de Lance le cuida ferir de sa lance, mais il failli, et quant il vey que il avoit failly, il le getta jus et se prist a la hace, dont bien se seult ensonnier, et l’Anglois son espee. La commencierent ilz a tournoier ensamble moult longuement. En ce tourniement, messire Jaquemes de Lindesee luy demanda en son
langaige: "Chevalier, qui es tu?"
Il respondy:
¶ "Je suy Mahieu Rademen." "Voires," dist il, "puisque
nous sommes en ce parti, je te conquerray ou tu me conquerras."
¶ Lors recommença la bataille et tout a cheval; et n’avoit l’ung aultre deffense d’armeures que
son espee, et l’autre sa hace. Messire Mahieu perdy son espee, car a un coup de
retour il luy vola hors de la main. Par ce parti fut pris et conquis l’Anglois, mais il
dist bien: "Lindesee, vous me feréz bonne compaingnie." "Par saint Gorge," respondy le chevalier, "vous dictes voir. Et de
commencement, puisque vous estes mon prisonnier, que vouléz vous que je face?" "Je vueil", dist messire Mahieu Rademen, "que vous me fachiéz grace de
retourner au Noefchastel, et dedens le jour de la Saint Michiel
je seray a Dombaire ou en Hamdebourch ou quelque part
que vous vouldréz en Escoche." "Je le vueil", dist le chevalier d’Escoche. "Dedens le jour que mis y avéz, vous seréz en Hamdebourch."
¶ A ces motz, il prindrent congié l’ung de l’autre. Messire Mahieu Rademen s’en
retourna vers le Noefchastel, et chevaulcha tout le petit pas, pour tant que
son cheval estoit moult foulé.
Or vous recorderay je une merveilleuse aventure qu’il avint au chevalier pb 329 v