tres grant finance. Quant les trieves furent faillies de France et d’
Engleterre, le roy de Navarre cessa sa guerre, car
on fist paix entre le regent et luy, et lors passa le roy d’Engleterre la mer en
tres grant arroy, et vint mettre le siege devant
Rains, et la manda il le
Captal
mon
maistre, lequel se tenoit a Cleremont en Biauvoisin,
et faisoit guerre pour luy a tout le paÿs. Nous venismes devant le roy et ses enfans." Lors me dist l’escuier: "Je croy bien que vous ayéz toutes ces
choses, et comment le roy d’Engleterre passa et vint devant
Chartres,
et comment la paix des deux roys fut faite?" "C’est verité," respondi ge; "je l’ay toute et les traictiéz comment ilz furent fais." Lors reprist le bastart de Maulion sa parole et dist: "Quant la paix fut faite entre les deux roys, il convint toutes manieres de gens d’armes et de compaignons parmi le
traictié de la paix vuidier, et laissier les fors et les chasteaux que ilz tenoient. Adont se cueillierent
toutes manieres de povres compaignons, qui avoient apris les armes, et se remirent ensamble, et
eurent pluseurs cappitaines conseil entr’eulx quele part ilz se trairoient, et dirent ainsi que se les
roys avoient fait paix ensamble, si les convenoit
il vivre. Et s’en
vinrent en
Bourgoingne; et la avoit cappitaines de toutes nacions,
Englois,
Gascons,
Espaignols,
Navarrois,
Allemans,
Escos et gens de tous paÿs assembléz, et je y estoie
pour ung cappitaine, et nous trouvames en
Bourgoingne et dessus la riviere
de Loire plus de XII
M ungs que autres, et vous di que la en dedens
avoit bien III ou IIII
M de droite gens d’armes aussi
appers, aussi soutilz de guerre que nulles gens pourroient estre, pour aviser une bataille et prendre
a son avantaige, pour escheler et embler villes et chastiaux, aussi drus et aussi nourris que gens
pouoient estre, et bien le monstrames a la
bataille de Brinay, ou nous ruames jus le connestable de France et le conte de Foeis et bien II
M
lances de chevaliers et
![](i/link2.gif)
escuiers. Ceste bataille fist trop grant prouffit
aux compaignons, car ilz estoient povres; si furent la tous enrichis de bons prisonniers et de villes
et de fors que ilz prinrent en l’
archevesqié de Lyon et sur la
riviere de Rosne.
Et ce parfist leur guerre quant ilz eurent le Pont Saint Esperit, car ilz guerrierent
le pape et les
cardinaulx, et leur firent moult d’anoy, et n’en pouoient estre
quittes, ne n’eussent esté,
pb 34 v