pb 47 v
n’en sçavoit riens, et que il y pourverroit. Si establi tantost sur les chemins gens d’armes qui gardoient les pas par quoy les fourageurs françois chevauchoient seurement. Encores avec tout ce il fist faire ung ban et ung commandement, depar le roy, que toutes manieres de gens qui avoient vivres et pourveances les apportassent ou feissent amener a sommiers ou autrement en l’ost devant Saint Yrain, ausquelles choses on mist fuer et pris raisonnable; si en eurent les estrangiers largement, car il convenoit par l’ordonnance du ban que ilz en feussent servis avant tous autres. Encores eurent les Espaignolz grant despit de ceste ordonnance. SHF 3-34 sync Or advint que en la propre sepmaine que le roy de Castille se desloga et toutes ses gens du siege
de Luscebonne, ilz entrerent ou havre de Luscebonne trois grosses
nefs chargiés de gens d’armes englois et archiers, et pouoient estre en toute somme environ VC que uns que autres, et vous di que les trois pars
estoient compaignons chasséz de leurs gaiges de Calais, de Chierebourch, de Brest en Bretaigne et de Mortaigne en Poito,
lesquelz avoient oÿ parler de la guerre du roy de Castille et
du roy de Portingal; si estoient venus a Bordiaux et la assambléz, et avoient dit: "Alons en a l’aventure en Portingal. Nous trouverons la qui nous recevra et ensonniera." Messire Jehan de Harpedane, qui pour le temps estoit seneschal de Bourdiaux, leur avoit grandement conseillié, car point ne voloit qui ilz demorassent ou paÿs de Bourdelois, car ilz y peussent plus faire de maulx que de biens; car ilz estoient tous compaignons aventureux qui n’avoient que perdre. De tous ceulx qui pour ce temps arriverent a Luscebonne, je n’y oy nommer nul chevalier, mais trois escuiers englois qui estoient leurs cappitaines, l’un appelloit on Nortbery, l’autre Martebery et le tiers Huguenin de Hartecele, et n’y avoit de ces trois qui n’eust d’eage plus de L ans, et estoient bons hommes d’armes et tous fais et uséz de guerre. De la venue de ces Englois furent les Luscebonnois grandement resjoÿs et rafreschis, et aussi fu le roy de Portingal qui les voult veoir, et vinrent au palais devant le roy. Le roy en ot grant joye et leur demanda se le duc de Lancastre les envoioit la: "Par ma foy," respondi Nortbery, "nous ne veismes le duc de Lancastre grant temps a, ne il ne scet pb 48 r
n’en sçavoit riens, et que il y pourverroit. Si establi tantost sur les chemins gens d’armes qui gardoient les pas par quoy les fourageurs françois chevauchoient seurement. Encores avec tout ce il fist faire ung ban et ung commandement, depar le roy, que toutes manieres de gens qui avoient vivres et pourveances les apportassent ou feissent amener a sommiers ou autrement en l’ost devant Saint Yrain, ausquelles choses on mist fuer et pris raisonnable; si en eurent les estrangiers largement, car il convenoit par l’ordonnance du ban que ilz en feussent servis avant tous autres. Encores eurent les Espaignolz grant despit de ceste ordonnance. SHF 3-34 sync Or advint que en la propre sepmaine que le roy de Castille se desloga et toutes ses gens du siege
de Luscebonne, ilz entrerent ou havre de Luscebonne trois grosses
nefs chargiés de gens d’armes englois et archiers, et pouoient estre en toute somme environ VC que uns que autres, et vous di que les trois pars
estoient compaignons chasséz de leurs gaiges de Calais, de Chierebourch, de Brest en Bretaigne et de Mortaigne en Poito,
lesquelz avoient oÿ parler de la guerre du roy de Castille et du roy de Portingal; si estoient venus a Bordiaux et la assambléz, et avoient dit: "Alons en a l’aventure en Portingal. Nous trouverons la qui nous recevra et ensonniera." Messire Jehan de Harpedane, qui pour le temps estoit seneschal de Bourdiaux, leur avoit grandement conseillié, car point ne voloit qui ilz demorassent ou paÿs de Bourdelois, car ilz y peussent plus faire de maulx que de biens; car ilz estoient tous compaignons aventureux qui n’avoient que perdre. De tous ceulx qui pour ce temps arriverent a Luscebonne, je n’y oy nommer nul chevalier, mais trois escuiers englois qui estoient leurs cappitaines, l’un appelloit on Nortbery, l’autre Martebery et le tiers Huguenin de Hartecele, et n’y avoit de ces trois qui n’eust d’eage plus de L ans, et estoient bons hommes d’armes et tous fais et uséz de guerre. De la venue de ces Englois furent les Luscebonnois grandement resjoÿs et rafreschis, et aussi fu le roy de Portingal qui les voult veoir, et vinrent au palais devant le roy. Le roy en ot grant joye et leur demanda se le duc de Lancastre les envoioit la: "Par ma foy," respondi Nortbery, "nous ne veismes le duc de Lancastre grant temps a, ne il ne scet pb 48 r