riens de nous, ne nous de luy. Nous sommes gens de pluseurs sortes, qui
demandons les armes et les aventures. Il en y a
![](i/link2.gif)
de telz qui vous sont venus
servir de la
ville de Calais." "Par ma foy," dist le roy, "ilz
soient tous les bien venus; vostre venue me fait grant bien et grant joye, et sachiéz que je vous
emploiera y temprement; nous avons esté icy enclos ung long temps et tant que nous en sommes
tous ennuyéz, mais nous prenderons la largesse des champs, autant bien que nos ennemis ont fait." "Sire," respondirent ces cappitaines englois, "nous
ne desirons autre chose, et nous vous prions que nous puissions temprement veoir vos ennemis." Le roy de Portingal en fist disner en
son palais a Luscebonne de ces
nouveaux venus plus de II
C et commanda que tous feussent logiéz en la
cité, bien a leur aise. Ilz le furent et payéz tantost de leurs gaiges pour trois mois, et mist le roy clercs en euvre et fist lettres escripre et seeler, et envoia par
tout son royaume, en mandant et commandant sur quanque on se pouoit meffaire, que
toutes gens portans armes se traissent vers
Luscebonne.
SHF 3-35 sync
Tous ceulx qui les lettres du roy Jehan
de Portingal adrecerent n’obeï
rent pas, mais demorerent trop de gens
en leurs hostelz, car les trois pars du dit royaume se dissimuloient a
l’encontre de
ceulx de Luscebonne, pour tant que ilz avoient couronné ce roy
qui estoit bastard, et en disoient lors grosses paroles en derriere, et pour le grant different que le
roy de Castille et son conseil veoient ou
paÿs de Portingal
s’avancerent il ainsi sur la forme du conquest, et disoient que il n’y convenoit que une journee de
bataille, et que se
ceulx de Luscebonne pouoient estre ruéz jus, le demorant du paÿs en seroient tous resjoÿs et metteroient hors de
Portingal ce maistre Denis
![](i/link2.gif)
ou ilz l’occiroient, et que ce estoit terre de conquest pour
luy, car sa femme en estoit droite hiretiere. Asséz volentiers et legierement s’en feust
deporté de la guerre le roy Jehan de Castille, mais ses gens ne le voloient pas, ains
l’enhortoient et disoient que il avoit juste cause et querelle a la guerre. Quant le roy de
Portingal vey que a son mandement et commandement trop de son peuple, dont
il pensoit a estre servy, desobeïssoient, si fu tout pensif et merancolieux, et appela ses plus feables
de
Luscebonne, et les chevaliers de son hostel qui avoient rendu paine a son
couronnement
pb 48 v