Berne, et
furent la fais chevaliers de la main du roy messire Rogier d’Espaigne, ainsné filz
a messire Rogier, de la
conté de Foeis, messire Bertran de Barege, messire Pierre de Sallebere, messire Estienne de Valentun, messire Guillaume
de Ker, messire Augier Solemare, messire Pierre de Waude, messire
Geoffroy de Partenay, messire Guillaume de Montdigy, et tant que ungs que autres
il en y ot bien C et XL, lesquelz prisent de grant volenté l’ordre de chevalerie. La
bouterent hors premierement pluseurs
barons de Berne leurs banieres et aussi de
Castille, et aussi fist messire Jehan de Rie.
![](i/link2.gif)
¶ La peussiéz veoir entre ces nouviaux chevaliers toute fascete, et
se maintenoient si bel que grant plaisance estoit du regarder, et estoient, je vous di, une belle
grosse bataille. Et s’en vinrent devant le roy le sire de Lengnach et les autres;
de quelle nation que ilz fussent puisque ilz n’estoient point des
Espaignolz et que
ilz estoient estrangiers, on les tenoit et nommoit
François, et li distrent et
requirent tous ensamble les plus notables, arméz de toutes pieces, hors mis bacinéz: "Sire roy, nous vous sommes de grant volenté et de loingtain paÿs venus servir. Si nous
faictes celle grace que nous aions la pre
miere bataille?"
"Je le vous accorde", dist le roy, "ou nom de Dieu et de saint
Jaques et aussi de
saint George, qui soit en vostre armee." "La," distrent les
Espaignols tout bas l’un a l’autre, "regardéz pour Dieu,
regardéz comment nostre roy se confie du tout en ces
François. Il n’a
nulle parfaicte fiance a autruy que a eulx. Ilz aront et ont la premiere bataille. Ilz
ne nous prisent pas tant que ilz nous appellent avecques eulx. Ilz font leur fait et arroy a part eulx,
et nous ferons le nostre a part nous; et par Dieu, nous les lairons combatre et convenir de leur
emprise. Ja ont il dit et se sont vantéz que ilz sont gens asséz pour desconfire les
Portingalois. Or, soit ainsi, nous le volons bien. Mais ce seroit bon que nous
demandissions au roy se il veult demorer avecques nous ou aler avecques les
François." La furent en murmure ensamble moult longuement pour sçavoir se ilz
li demanderaient ou se ilz s’en tairoient, car ilz’resongnoient grandement les paroles de messire Regnault Lymosin. Toutesfois, tout consideré, a luy demander ne veoient ilz point
de mal. Si s’avan
![](i/link2.gif)
cierent les six des plus grans et les plus notables
et prochains de son corps, et en luy
pb 54 r