puissance et ilz veoient que ilz ne pouoient eschapper, ilz se boutoient en
ces croutes et s’en aloient sans prendre congié." "Par ma foy," dist messire
Gaultier, "j’en prise bien l’ordonnance. Je ne sçay si je seray jamais guerrié de roy ne
de duc ne de voisin que j’aye, mais moy retourné en mon paÿs j’en feray faire une dedens terre
en
mon chastel de Pasac."
SHF 3-53 sync Atant finerent leurs paroles
et prinrent la saisine du chastel, et puis ordonnerent de mettre et laissier dedens gens
d’armes et garnison pour le garder, et passerent oultre en entente de venir devant la ville et
chastel de Cruvale, dont Espagnolet de Paperan, Bascles, estoit cappitaine a tout
grant foison de pillars et de robeurs.
Tant esploiterent les seigneurs, les gens d’armes et leurs routes que
ilz vinrent devant la garnison de
Cruvale en Rabeston, et la
s’arresterent et misrent siege tout a l’environ. La voult savoir messire Gaultier au seneschal de Thoulouse et li demanda se
Cruvale avoit esté anciennement
des chastiaulx Regnault de Montauban. Il respondi oïl. "Et dont y a dedens
une croute si comme aux autres?" "En nom Dieu," dist messire Hugues,
"c’est verité; croute y a voirement et par croute le prist
la seconde fois Espaignolet et le seigneur dedens." "Ce", dist messire Guichart Daulphin, qui la estoit a ces paroles, "faites venir
le chevalier." "C’est bon", ce dist
messire Gaultier de Pasac,
"si nous enfourmerons a lui de la verité." Adont fu appellé messire Raymond de
Cruvale, et li fu demandé de la maniere, ordonnance et condition du chastel, et se
il y avoit une voie dedens terre croutee, si comme il y a a La Bousee. Il respondi:
"Vraiement oïl, car par la croute fu ge pris, et l’avoie condempnee grant temps a a estre
perdue, mais les larrons qui tiennent mon chastel la remparerent et me prinrent par celle
voie." "Et savéz vous ou elle wide?" dist messire Gaultier. "Oïl,
monseigneur," dist il, "elle est wide en un bois qui n’est pas trop loing de cy." "C’est bien," dist messire Gaultier, et se teut a tant. Quant ce vint
au chief de quatre jours, il se fist la mener, et avoit en sa compaignie bien II
C gros varléz du païs bien arméz, et s’en vint et messire Raymond
de Cruvale en sa compaignie jusques au bois ou la croute se widoit. Quant messire
Gaultier vey l’entree, il la fist descouvrir et oster la terre et les herbes et les ronces qui
estoient a l’environ. Quant elle fu
pb 68 v