tous les prelas
et nobles et consaulx des cités, des pors et des villes et seignouries du royaume de Portingal,
et fut ce fait avant que
monseigneur vostre frere, monseigneur de Cambruge, venist a
son armee en
Portingal, et fist a tous jurer et recongnoistre sa fille, madame
Bietrix, qui lors avoit environ V ans, que aprés son decéz on la tenroit a dame
et hiretiere de
Portingal. Tous jurerent, voulsissent ou non, mais bien savoient
la greigneur partie de ceulx qui la estoient que ceste fille estoit bastarde, car encores
vivoit le mary de madame Alienor, messire Jehan Laurent de Coigne, et se tenoit en
Castille daléz le roy, et vesqui le vivant du roy Ferrant et
oultre. Bien croy monseigneur," dist l’escuier qui parloit, "que se
la fille eust esté ung filz, que toute la
communauté de Portingal se fust plus
enclinee et plus tost que elle ne fait ne ja ne feront, si comme ilz dient, car ilz aroient plus chier
a morir que de estre en la subjection de
ceulx du royaume de Castille. Ne oncques ces
deux royaumes ne peurent parfaittement amer l’un l’autre, mais se sont
par trop de fois herriéz et guerriéz, si comme les
Escoçois heent et guerrient a
leur pouoir ceulx de ce paÿs, si comme vous savéz."
SHF 3-80 sync
Adont demanda le duc de Lancastre a l’escuier, lequel il ooit moult volentiers parler et faire son
compte: "Laurentien, ou estoit pour les jours que vous me
parléz le roy Jehan qui est pour le present, et lequel estoit frere de ce roy Ferrant?"
"Par ma foy, monseigneur," respondi l’escuier, "il estoit en
Portingal, en une maison de seigneurs qui portent une
![](i/link2.gif)
orde des chevaliers d’outremer, mais ilz sont vestus de blans abis a une vermeille
croix, et en estoit souverain; et sont bien eulz II
e tous
gentilzhommes de ceste ordre, et l’appelloit on la maistre de Vis, car l’ostel et
l’ordre en
Portingal on l’appelle de Vis, et li avoit le roy fait donner et ne faisoit nul compte de son frere, et otant bien le roy Jehan a present ne faisoit nul compte des besongnes de
Portingal, ne ne s’en
ensongniait en riens, ne ne pensoit a la couronne ne au royaume, car pour
certain se le roy Ferrant de Portingal eust eu nulle inspiration ne ymaginacion de ce qui
est en present, il amoit bien tant madame Alienor et madame Bietris sa fille,
que il eust enchartré ou fait morir son frere qui s’apelloit maistre de Vis; mais pourtant
que il veoit que cil se tenoit en sa maison quoiement
pb 88 r