tous ceulx
qui furent mandéz et escrips ne vinrent pas, car tout le royaume, pour ces jours, n’estoit
pas de sa partie. Aucuns s’en dissimuloient, qui voloient veir comment les ordonnances se
porteroient, et les aucuns estoient aléz en
Castille devers le roy de Castille, pour ce que ilz disoient que il avoit plus grant droit a la
couronne de Portingal
que nostre roy n’avoit. Nonobstant tout ce, le roy de Portingal vint a
Conninbres, et la fist son amas de toutes gens. Au voir dire il ot de
Portingal a election toutes les meilleurs gens et les plus aloséz et aduréz contes, barons et
chevaliers, et ot bien purement XXV
C lances, chevaliers et escuiers, et
XII
C hommes de pié. Quant ilz furent tous assambléz, on ordonna
connestable et mareschal. Le connestable fu le conte de Novaire et le mareschal messire Alve Perciere, et tous deux saiges hommes pour gouverner gens
d’armes et mener ung host a son devoir. Si se departirent de
Connimbres et de
la environ ou ilz estoient logiéz, et prinrent le chemin de La Cabasse, c’est a
la Juberote, et cheminerent tout doulcement a l’aise de leurs corps et de leurs
chevaulx pour les grandes pourveances qui les sieuvoient, et avoient chevaucheurs devant,
qui avisoient les nouvelles du roy de Castille ne comment il se voloit
maintenir. Encores n’estoit pas venu en la compaignie du roy de Portingal messire
Jehan Ferrant Percok, mais se tenoit en garnison ou
chastel d’Orench a V
lieues de Juberote, et croy que il ne savoit point que on se deust combatre."
SHF 3-92 sync
"
Se suppose asséz que le roy de
Castille fu informé du roy de Portingal qui s’en venoit a puissance sur luy, et quant
il sceut que nous estions aux champs il en ot grande joye et aussi eurent toutes ses gens, si comme
ilz le monstrerent; car ilz lui conseillierent a chevaucher contre nous et de venir combatre; et par
especial les
Gascons de Berne, qui la estoient, nous desiroient trop fort a combatre et
demanderent a avoir la premiere bataille, et ilz l’eurent. Et bien nous avoit dit messire Guillaume de Montferrant, Gascon, qui estoit la atout XL lances: "Soyéz tous confortéz d’avoir la bataille, puis que vous avéz les
Bernés a
l’encontre de vous, car ilz ne desirent autre chose." Le roy, dont la bataille
fu l’endemain, vint gesir au
chastel de Lerie, a deux lieues de La Cabasse, a
Juberote, et a l’endemain nous
pb 99 r