pb 191 vGap: sampling
SHF 2-344 sync
Quant ce vint le vendredi, le
roy se parti et desloga de
Rosebecque pour la punaisie des mors, et fut
conseillié
de venir vers
Courtray, et la lui raffreschir. Le
Halzes et aucuns chevaliers et escuiers de
Flandres, qui congnoissoient
le païs, environ deux cens lances, le jour de la bataille monte
rent a cheval et au ferir des esperons entrerent en la
ville de
Courtray, car il
n’y avoit deffense ne nul contredit. Les bour
goises et les femmes povres et riches et plusieurs
hommes
aussi entroient, pour deffuyr le mort, es celiers et es eglises,
et estoit grant pitié
de ce veoir. Si orent ceulx qui premiers
vindrent a
Courtray, grant prouffit
de pillaige, et depuis
y vindrent
François,
Bretons et aultres
et se logeoient ainsi
comme ilz venoient, et y entra le
roy de France le premier jour
de decembre. La ot derechief grant persecucion faicte,
aval
la ville, de
Flamens qui s’estoient retrais, ne on n’en prenoit
nulz
a mercy. Car les
François hayoient durement les
Flamens et la ville pour une bataille qui jadis fut devant
Courtray,
ou le
conte Robert d’Artois et toute la fleur de
France fut jadis
morte. Congnoissance vint au
roy qu’il avoit en l’
eglise
Nostre Dame de
Courtray une chappelle, en laquelle il avoit
largement cinq cens paire
d’esperons doréz, et ses esperons
avoient jadis esté des seigneurs de
France
qui avoient esté
mors en la dite
bataille de Courtray, l’an mil CCC
et deux.
pb 192 r