pb 21 rDavid et tous deux lieverent baniere. Et y ot fait
sur la place environ
trente chevaliers de la partie des
Escotz
et ung chevalier de Suede qui s’appelloit
messire George de Vesmede et porte d’argent a ung fer de moulin de gueulles
a une bordure endentee de gueulles.
Et de
trie : Meson!. D’autre part messire
Thomas Monsegrave fist son filz
messire Thomas chevaliers et autres de son
hostel. Aussi firent le sire de Stafort et le sire de Grascop. Si ordonnerent leurs
archiers et mirent sus esle. Et fut
ce jour le cry des
Anglois Nostre Dame !
Arleton !
La commença ce raencontre grans et fors archiers a traire et
ensognier
gens d’armes. Mais touteffoiz les
Escotz estoient grant foison.
Si ne pouoient
les archiers partout entendre. La ot fait entre ses chevaliers et escuiers
de
l’une partie et de l’autre mainte jouxte et mainte belle appertise d’ar
mes et plusieurs hommes
raenverséz jus de leurs chevaulx, faicte mainte
prise et mainte rescouce des premieres venues. Messire Archebault Dou
glas, qui estoit grant chevalier et
adoubé deuement et ressoingnéz de
ses ennemis, quant il deust approuchier il mist pyé a terre
et print
a son usaige une longue espee qui avoit d’allemele deux aulnes. A
painnes
la peust ung autre homme lever sus de terre, mais elle ne lui coustoit neant
a
manyer et en donnoit les coups si grans que tout ce qu’il aconsuivoit
il mettoit par terre et
n’y avoit si hardy ne si jolis de la partie des
Anglois qu’il ne resoingnast ses
coups. La ot belle bataille et dure et bien combatue
de ce qu’elle dura, mais ce
ne fut pas planté. Car les
Escotz estoient trois
contre ung et tous gens de fait. Je ne dy pas que les
Anglois ne se portassent
bien et vaillaument. Mais finablement ilz furent desconfiz, et obtindrent
les
Escotz la place, et furent prins messire Thomas Monsegrave et ses
filz et plusieurs autres chevaliers et escuiers et eurent les
Escotz bien
sept vings bons prisonniers, et dura la chace jusques a la
riviere de Cuide et la y en ot mort grant planté. Si se retrairent les
Escotz aprés ceste
desconfiture sur leur païs, et orent conseil qu’ilz
s’en yroient tous devers
Hamdebourc, car ilz savoient par leurs prisonniers
que le conte de
Northombrelant et le conte de Notingen estoient sur le
païs pardela
la Cuide sur le chemin de
Rosebourc et
estoient gens asséz pour combatre
les
Escos et toute leur puissance,
pourquoy leur chevauchee se pouoit
bien desrompre pour eulx traire a sauveté et garder leurs
prisonniers.
De ceste chose faire et du retraire sans sejour furent ilz trop bien conseilléz.
Car
ce se soir ilz
feussent revenuz a leur logeis ilz eussent esté en adven
ture d’estre tous ruéz jus si comme
je vous diray.
SHF 2-32 sync
Le conte de Northombrelant et le conte de Notingen et les
barons d’
Angleterre, quant ilz se departirent
de
Bervich et
de monseigneur Thomas Monsegrave et ilz furent
venuz sur les
champs a l’encontre de
Rosebourc, furent imforméz par leurs
espies
que les
Escotz que ilz demandoient a trouver et combatre estoient
logiéz
pb 21 v