pb 221 rque
le
duc de Lenclastre et le
conte de Bouquinghem, son frere, l’
evesque de
Harfort,
messire Jehan de Hollandes, freres du roy, et
messire Thomas
de
Persy, et autres du
conseil du roy et du
païs d’Angleterre vindrent
a
Calais, ayans plaine puissance depar le
roy d’Angleterre et le
païs de faire paix, ordonner trieves a leur voulenté. D’autre part vindrent
a
Boulongne le
duc de Berry, le
duc de Bourgongne, l’
evesque
de Laon et le
chancellier de France, ayans aussi plaine puissance depar le
roy de France et
son conseil de faire paix aux
Anglois
ou donner
trieves a leur voulenté. Quant toutes ses parties furent ensemble
a
Calais et a
Boulongne, on seuractendi encores ung petit a parle
menter, pour le conseil d’
Espaigne qui point n’estoit venus, car les
François ne vouloient faire nul traictié que les
Espaignolz ne feussent
encloz dedans.
Fimable, ilz vindrent depar le
roy d’Espaigne et le
païs,
ung
evesque, ung diacre et deux chevalliers. Or fut advisé de toutes
parties et pour
le plus seur, pour tant que ilz ne s’osoient asseurer
bonnement l’un avecques l’autre les
seigneurs de
France aler a
Calais ne les seigneurs d’
Angleterre venir a
Boulongne, que le parlement
et les traictiéz
seroient assis et mis enmy chemin de ces
deux
villes, au dessus de
Wuissan, et
ung villaige et une eglise que on
appelle Alolinge. La
vindrent toutes les parties, et la furent les
seigneurs et leur conseil par plusieurs journees, et
parlerent ensamble,
et la estoient le
duc de Bretaigne, le
conte de Flandres. Et fut la sus
les champs tendue la grande tente de
Bruges, et donna
le
conte de
Flandres a disner en tente le
duc de Lenclastre, le
conte
de Bouquinghen et les seigneurs d’
Angleterre. Et furent la les estas
moult grans
tenu de l’une partie et de l’autre. Mais, tout consideré et parlementé,
on n’y
pot oncques trouver nulle paix, car les
François vouloient
ravoir
Guynes et
Calais et toutes les forteresses que ilz tenoient
a ce jour,
deça la mer jusques a la
riviere de Grarone, tant en
Nor
mandie comme en
Bretaigne, en
Poicto, en
Sainctange et en
La Rochelle,
laquelle chose n’eussent les
Anglois fait, et par especial,
rendu
Guines, ne
Calais,
Chierebourc, ne
Brest en Bretaigne. Si furent
ilz
sus ses traictiéz plus de trois sepmaines, et presques tous les jours
ilz
parlementoient ou leur conseil ensemble. En ce temps trespassa
de ce siecle, en
la
duchié de Luxembourc et en la
ville de Lusembourc ly
jolis et le
gentilz duc Wincelins de Boesme, duc de Lusembourc et de
Braibant, qui fut en son
temps nobles, joliz, fricques, saiges, amoureux
et armeréz, et quant il yssi de ce siecle, on
disoit adonc que le plus
hault princes et le mieulx enlinagéz de hault lignage et de noble
sang et qui plus avoit de prouchains, estoit mort. Dieux en ait l’ame!
et gist en l’
abbaye
de Vaucler deléz Luxembourg. Si demoura
madame
la duchesse Jehanne de
Braibant veusve, ne oncques puis ne se re
maria, ne n’en ot voulenté. De la mort du
noble duc furent cour
rouciéz ceulx qui l’aymoient.
pb 221 v