pb 48 rGap: sampling
SHF 2-94 sync
D’autre part en
Auvergne et en
Limosin advenoient presques
tous les jours fais d’armes et merveilleuses
emprinses,
et par especial, dont se fut trop grant dommaige pour le païs,
le
chasteau de Mont Ventadour en Auvergne, qui est ung des fors cha
steaulx du
monde, fut trahiz et vendus a
ung Breton le plus cruel et
auster de tous les autres, qui
s’appelloit Gieuffroy Teste Noire, et je vous
diray comment il l’eust. Le
conte de
Ventadour et de Montpensi estoit
ung ancien et simples preudoms qui plus
ne s’armoit, mais se tenoit
tout quoys en son chastel. Cilz
contes avoit
ung
escuier et varlet, qui
s’appelloit Ponces du Bois, lequel l’avoit servi moult longuement
et
trop petit avoit prouffité en son service et veoit que nul prouffit d’or ne
d’argent il n’y
pouoit avoir, si s’avisa d’un mauvais advis que il se
paieroit. Si fist ung secret
traictié a
Gieuffroy Teste Noire, qui se tenoit en
Limosin,
et tant que il deubt livrer le
chasteaulx de Ventadour, ainsi fist
il, pour six
mille frans. Mais bien mist en son marchié et en ses devises que
a
son maistre le
conte de Ventadour on ne feroit ja nul mal, et le mectroit
hors du
chastel
debonnairement et lui rendroient tous son arroy.
Ilz lui tindrent son convenant, oncques les
Bretons et les
Anglois qui
dedens entrerent, ne firent nul
mal au
conte ne a ses gens, et ne retin
drent fors les pourveances et l’artellerie, dont
il y en avoit grant
foison. Si s’en vint le
conte de Ventadour, sa femme
et ses enffans, demou
rer a
Montpensier deléz Aigueperse en Auvergne, et cilz
Gieuffroy
Teste Noire et ses gens tindrent
Moult Ventadour, par lequel ilz adom
magerent moult le païs et prindrent plusieurs fors chasteaulx en
Auviergne, en
Rouergue, en
Limosin, en
Quersin, en
Givaudam, en
Bigorre et en
Angenois, tout venant l’un de l’autre. Avecques
Gieuffroy Teste Noire avoit plusieurs autres cappitaines qui faisoient moult de grans ap
pertises
d’armes, et
prindrentMirigot Marchis, ung escuier de Limosin,
Anglois, le
fort chastel de Cassuriel seant en Auvergne en l’eveschié de
Cleremont. Cilz
Aymerigos avecques ses compaignons couroient le païs
a leur
voulenté. Si estoient de sa route et cappitainne des autres chasteaulx
le
bourg Carlac, le
bourg anglés, le
bourg de Champaigne et
Remond
de Sors, Gascoing, et
Piere de Bierne en Biernois.
SHF 2-95 sync
Aymerigos Marchis chevauchoit
une fois, lui XIII
e compaignons
tant seullement, a l’aventure, et prist
son chemin pour venir
a
Aloise deléz Saint Flour, qui est ung beau chasteau de l’eveschié
de Clermont. Bien savoient que le chastel n’estoit point gardé
fors que
du portier seulement. Ainsi qu’il chevauchoit a la couverte quoyement
devant
Aaloise,
Aymerigos regarda et veit que le portier seoit sus
pb 48 v