pb 241 vmessire Jehan de Haynault, son grant pere. Or fut
messire
Guy de Blois, son frere, conte. Et tint toutes les terres par
droite hoirie et
succession que ses deux freres avoient tenuz
tant en France comme en
Picardie, en
Haynault, en
Hollande en
Zellande avecques la ditte
conté de Blois.
Ne sçay quans ans aprés celle dame mourut qui avoit
esté
femme au conte Jehan de Blois, si demoura sa seur,
la duchesse de Juilliers, paisiblement
duchesse de Guerles.
SHF 3-226 sync Or estoit
ordonné par l’accord des païs et a la requeste des
chevaliers et des bonnes
villes de la duchié de Guerles que
ilz eussent a seigneur messire Guillaume de
Juilliers, ainsné
filz
des duc de Juilliers. Car la terre luy retournoit par
droicte succession
de ses oncles, et y a en ceste instance lui
avoient le
duc Aubert et la duchesse, sa femme, donnee et
accordee leur fille, laquelle eu avoit en espous
messire
Edouart de Guerles, ainsi demoura la dame, fille de Haynnault,
duchesse de Guerles. Et au jour qu’elle espousa le duc de
Guerles, filz au
duc de Juilliers, ilz estoient eulx deux pres
d’un aage, pourquoy le
mariage estoit plus bel. Si se tint le
jeune duc de Guerles en son païs et
tant plus croissoit en aage
et tant plus amoit les armes, les jouxtes, les tournois et
les
esbatemens. Et ot de duc tousjours le cueur plus anglois
que françois. Et bien le
monstra tant comme il vesquit. Car
il tint tousjours le maltalent que ses predecesseurs avoient
tenu a la
duchié de Braibant. Et queroit tousjours occasion
et
cautelle comment il peust avoir la guerre, pour deux
raisons. L’une estoit que
il s’estoit alié de foy et hommaige
au
roy Richard d’Angleterre. L’autre estoit que
le
duc Wincelant
de Boesme, duc de Luxembourc et de Braibant, avoit racheté
au conte de Mours, ung hault baron d’Almaigne, les troys
chasteaulx dessus nomméz, et encores les vous nommeray
pour vous raffraichir en la
matiere,
Gangech,
Buch et
Mille oultre la Muese sur la
terre de Fauquemont, desquelz
chasteaulx anciennement
le duc de Guerles avoit esté seigneur
et heritier. Et pour ce desplaisoit il
grandement au jeune
duc Guillaume de Juilliers, duc de Guerles, que il ne pouoit
retourner a son heritaige. Et tant que le
duc Vincellant
de Brabent vesquit, il
n’en fist nul semblant. Or vous
diray comment il en estoit advenu affin que la matiere
vous soit plus clere a entendre.
Comment les chasteaulx de
Gangeh, Buch et Mille vindrent au duc de Brebant. Et comment le duc de Juilliers soustenoit les Linphars
en son païs qui desroboient toutes pb 242 r