pb 6 r
Cy commence la tierce partie principale des
cronicques sire Jehan
Froissart qui contient les nouvelles guerres de France, d’Angleterre, d’Espaigne, de Portingal, et de Ytalie.
SHF 3-1 sync
Et parle premierement comment sire Jehan
Froissart se partit de France pour aler pardevers le conte de Foix, et la maniere de son voiage. I.
Je me suys longuement tenu a parler des besongnes des
loingtaines marches, mais les prouchaines quant a
present me ont esté si fresches, si nouvelles
et si enclinés
a ma plaisance que pour ce les ay mys arriere. Mais
pour tant ne
sejournoient pas les vaillans hommes
qui se desiroient a
anoncier ens ou
royaume de Castille
et de
Portingal et auxi bien en Gascongne, en
Rouergue, en Quersy, en
Lymosin,
en
Thoulousain et en
Bigorre. Mais visoient et subtilloient tous les jours
pb 6 v