parler que Jehan Maillart li dist, ce fut que il
li demanda par son nom: "Estienne, Estienne,
que faitez vous ci a ceste heure?" Le prevost li
respondi: "Jehan, a vous qu’en monte du
savoir? Je sui ci pour prendre garde de la
ville dont j’ay le gouvernement." "Par Dieu,"
respondi Jehan, "il ne va mie ainsi, mais
n’estes ci a ceste heure pour nul bien, et je
le vous monstre", dist a ceulz qui estoient
delés lui, "comment il tient les clefs des por
tes en ses mains pour trahir la ville". Le
prevost des marchans s’avança et dist: "Vous
mentés!". "Par Dieu," respondi Jehan Maillart,
"traistre, mais vous mentés!" Et tantost feri
a lui et dist a ses gens: "A la mort! A la mort
tout homme de son costé car ilz sont traistrez."
La y eut entre eulz grant hutin, et s’en fust
volentiers le prevost des marchans fui, se il pe
ust, mais il fu si hasté que il ne pot. Car
Jehan Maillart le feri de une hache en la
teste et l’abati a terre, quoyque ce fust son com
pere, et ne se departi de lui jusques a tant
qu’il fu ocis et VI de ceulz qui la estoient,
et le demorant pris et envoiés en prison. Et
puis commencierent a estourmir et a res
veillier lez gens parmi les rues de Paris.
Si s’en vinrent Jehan Maillart et cilz de son
acort jusquez a la Porte Saint Honnoré et y
trouverent gens de la sorte du dit prevost, si
les encouperent de trahison, ne excusance que
il fesissent ne leur valut riens. La en y eut
pluseurs pris et envoiés en divers lieus en
prison, et cilz qui ne se laissoient prendre,
estoient tuéz sans merci. Celle propre nuit
on en prist plus de LX en leurs maisons,
qui furent tous encoupés de trahison, et du
fait pourquoy le prevost estoit mort, car
cilz qui pris estoient, confesserent tout le
meffait. L’endemain au matin cilz Jehans
Maillars fist assembler la plus grant partie
de la communauté de Paris ou marchié