impetrer benefice. Car
de mon heritaige vous
n’auréz riens, et une foiz
pour toutes je le vous
defens." ¶ Le clerc se
doubta du chevalier.
Car il estoit cruel, et
n’osa perseverer, si cessa
et advisa qu’il s’en re
tourneroit en Avignon
si comme il fist. Mais
quant il deust partir
il vint en la presence
du chevalier et seigneur
de Corasse et lui dist:
"Sire, par vostre force
et non de droit vous
me tolléz et ostéz les
drois de mon eglise,
dont en conscience vous
vous meffaictes gran
dement. Je ne suis pas
en ce paÿs si fort comme
vous estes. Mais sachiéz
que au plus tost que je
pourray je vous envoye
ray tel champion que vous
doubteréz plus que vous
ne faictes moy." ¶ Le sire
de Corasse ne tint compte
de ses menaces et lui
dist: "Va a Dieu! Va, faiz
ce que tu puez! Je ne te
doubte plus vif que mort.
Ja pour tes paroles ne per
deray mon heritaige."
Ainsi se departit le clerc
du seigneur de Corasse
et s’en retourna je ne
sçay quele part en Caste
longne ou en Avignon
et ne mist pas en oubli
ce qu’il avoit dit au par
tir au seigneur de Corasse.
¶ Quant le chevalier