pb 133 vGap: sampling
SHF 2-238 sync
Comment les Anglois
chevaucherent oultre le commandement du roy de Portingal, et comment le chastel de la Figiere en Espaigne fut prins.
Le conte d’Escambruges et ses gens se rafreschirent
ung grant
temps a
Portingal deléz
Lucebonne, et avissoient
les
Anglois et les
Gascons, pour tant qu’il n’y avoient onques
esté le païs. En ce jour il me semble que le
jour fut fait
et accordéz de la fille
de Portingal, qui
estoit de l’aage de
X ans, et du filz du conte d’Escambruges, qui
pouoit
estre de cest aage. Bel enffant estoit et avoit a nom
Jehan,
et
la dame fille du roy
Bietris. A ces nopces de ces deux
enffans eut grant feste et grant esbatement, et y furent
les prelas et les
barons du païs, et furent couchéz, comme
jeunes qu’ilz fussent, tous en ung lit ensemble.
Ces nopces
faites et passees les festes, qui durerent VIII jours, les
consaulx du roy de Portingal ordonnerent que ces gens
d’armes, qui se tenoient a
Lucebonne, se departiroient et
iroient d’aultre part tenir leur frontiere. Si
fut le conte
d’Escambruges et ses hostelz ordonnéz et assignés de aller
en une
belle ville en
Portingal, que on dit
Estremouse, et
les
Anglois et les
Gascons tous ensemble en une aultre
Ville Vesiouse. Et
Jehan d’Escambruges demoura deléz
le roy et sa femme. Quant le
Canonnes de Robesart et les
aultres chevaliers anglois et gascons se departirent du roy
et il prindrent
congié pour aller a leur garnison, le roy leur
pb 134 r