pb 177 vn’y fus. On me dit ceste
riviere du Lis est elle si
male a passer
qu’on n’y peut trouver passage fors par les certains passages ?"
"Sire, oil, ne il n’y a nul gué, et siet tout son courant sur marescages,
ou on ne
pourroit chevaucher." Dont demanda le connestable :
"Et dont vient elle
d’amont ?" On lui respondit qu’elle venoit de
devers
Aire et
Saint Omer. "Puisqu’elle a commencement," dist le
connestable, "nous la passerons bien. Ordonnons noz gens et
leur faisons prendre le chemin
de
Saint Omer, et la passerons
nous la riviere a nostre aise et
entrerons en
Flandres et irons
ces
Flamens combattre au
long du païs ou qu’il soient, devant
Yppre ou ailleurs. Ilz sont bien si
orguilleux et si oultrecuidéz qu’ilz
viendront contre nous." A ces prorpos du connestable s’acordoient
tous les mareschaulx. Et demourerent en cest estat
celle nuyt
jusques au lendemain que le sire de Labreth, le
sire de Coucy,
messire
Aymenions de Poumers, messire Jehan de
Biane, amiral de France,
messire
Guillaume de Poitiers, bastart de Lengres, le
Begles de Velaine,
messire Raoul de Coucy, le conte de Conversant, le viconte d’Arsi,
messire Raoul de Raineval, le sire de Sempy, messire Guillaume
des Bordes, le sire de Sully, messire Olivier de Claquin, messire
Meuris Striguedi, messire Guy le Baveux, messire Nicolas
Penniel,
le mareschal de France et de Bourgongne, messire Loïs de
Sansoirre
et le seigneur de Bainville, le mareschal de Flandres,
messire Englerans
d’Endins, vindrent en la chambre du
connestable de France, pour avoir
certain arrest et advis
comment on s’ordonneroit se on passeroit parmy
Lille pour
aller a
Commines et a
Warneston, ou les
pas estoient gardéz, ou
si on iroit amont, vers
le Gorgle, le Ventre et
Saint Venant et
Estelles,
passer la
riviere du Lis. La eut entre ses seigneurs plusieurs
parolles retournees, et
disoient ceulx qui cognoissoient le
païs : "Ou temps de maintenant, certes, il ne fait nul
bon aller
en ce païs de Clarembant, en la terre de Bailloel, en la
chastellerie
de Cassel, de
Furnes ne de
Bergles." "Et quel chemin tenrons nous
dont?" dist le connestable. La dist le
sire de Coucy une mout haulte
parolle : "De mon advis je
conseilleroie que nous alissions a
Tournay la passer
l’Escault et cheminer devant
Audenarde, ce
chemin la ferons nous bien
aise, et la combattre noz ennemis,
nous n’avrons nul empechement. Si
r venrons
devant
Audenarde et cherrons droit ou logis
Phelippe d’Atervelle,
et si serons tous les jours rafreschiz de toutes pourveances
qui nous venront
du costé de
Haynnau par la riviere." Ceste
parolle dite du
seigneur de Coucy fut bien entendue et voulentiers
oye, et des aulcuns longuement
soustenue. Mais le connestable
pb 178 r