pb 24 r
Vous avéz bien cy dessus oy recorder comment le
seigneur
de Moucident se tourna françois par la prinse ou il
fut prins a
Ymet en Gascongne, et comment il vint en
France veoir le
roy de Navarre
et sejourna bien ung an et plus
a
Paris. Et tant y fut qu’il i print
desplaisance, car il cuida
au commencement et au deffinement trouver au
roy de France telle chose qu’il n’y trouva mye, dont il se merencolia et se
repentit
grandement de ce qu’il estoit tourné françois. Mais il
disoit que ce avoit esté par constrainte
et non par aultre
voie. Si se advisa qu’il s’embleroit de
Paris, ou il avoit
trop
sejourné, et s’en retourneroit en son païs et se rendroit anglois,
car mieulx en
courage lui plaisoit le service du
roy
d’Engleterre que du
roy de France.
Si fist ainsi comme il
ordonna et donna a entendre a tous ceulx dont il avoit
la congnoissance, excepté a ceulx de son conseil, qu’il
estoit deshaitiés. Si monta ung
soir a cheval lui III
e, tout
descongneu, et se part de
Paris et chevaulcha vers son
païs, ses gens le suivirent petit a petit. Tant esploita par
ses journees qu’il vint a
Bourdeaulx. Si trouva la
messire
Jehan
de Nuefville, seneschal de Bourdeaulx, a qui il
raconta son adventure. Si se retourna
anglois et dist
qu’il avoit plus chier a mentir sa foy devers le
roy de
France
que envers son naturel seigneur le
roy d’Engleterre.
Ainsi demoura le
sire de
Moucident anglois tant qu’il
vesquit, par quoy le
duc d’Ango fut moult
courroucé et
dist bien et jura, se jamais le tenoit, il lui osteroit la teste.
De ce estoit le
sire de Moucident tout infourmés et advisé,
si se gardoit le mieulx qu’il pouoit.
SHF 2-84 sync
Encores se tenoit le
sire de Lagurant
françois, le
quel estoit ung moult appert chevalier
et faisoit plusieurs contrainctes en
la terre les seigneurs
retournéz anglois qui lui marchissoient, telz que le
seigneur
de Moucident, le
seigneur de Rosem et le
seigneur de Duras.
De
quoy iceulx barons estoient moult couroucéz, et
mettoient grant entente a ce
qu’ilz le peussent occire ou faire
occire, car il leur estoit trop fort ennemy. Le
sire de
Lagurant, qui estoit ung chevalier de grant voulenté, chevauchoit
ung jour, en sa
compaignie environ XL lances, et vint
asséz prés de une garnison englesse
que on dit
Canillac,
qui estoit de l’eritage le
Captal de Bues et a
son frere.
Si fist une embuche de ses gens en ung bois et dist :
"Demouréz cy. Je vueil aller courir tous ceulx devant ce fort
pb 24 v