pb 31 v
le conte de Ventadour, et le mettroient hors de son
chastel debonnairement et lui rendroient
tout son arroy. Ilz luy
tindrent ce convenant, onques les
Bretons ne les
Anglois qui dedans entrerent, ne firent nul mal au
conte ne a ses
gens
et ne retindrent fors les pourveances et l’artillerie, dont
il y avoit grant foison. Si
s’en vint le
conte de Bentadour et sa femme et ses enffans
demourer a
Montpansier
devers Argeperche en Auvergne, et cil
Joffroy Teste
Noire et ses gens tindrent
Montadour, par lequel
ilz
amaigrirent moult le païs et prindrent pluseurs
chasteaulx et fors en
Auvergne, en
Roeigle, en
Limosin,
en
Kersin, en
Covaldin, en
Bigorre et en
Aginois, tout
venant l’un de l’autre. Avec
Joffroy Teste Noire avoit
pluseurs aultres
cappitains qui faisoient moult de
grans appertisses d’armes, et print
Aymerigot
Marcel, ung escuier de Limosin, Anglois, le
fort chastel
de
Cascusiel seant en Auvergne en l’eveschié de
Clermont. Cil
Aimerigot avec ses compaignons couroient
le païs a leur voulenté.
Si estoient de sa route et
cappitaine des aultres chasteaulx le
bourc de Carlart,
le
bourg anglois, Campaine et
Raymemons de Sars, Gascon,
et
Pierre de Bierne de Biernais.
SHF 2-95 sync
Aymerigos Marcel chevauchoit
une fois, lui XII
e de compainons a l’avanture pour venir a
Aloise devers Saint Flour, qui est ung beau chasteau
de l’evesché de Clermont.
Bien sçavoit que le chasteau
n’estoit bien gardé fors que du portier
seullement. Ainsi
qu’il chevauchoit a la couverte tout coiement devant
Aloise,
Aymerigot regarde et voit que le portier se siet
sur
une tronche de bois au dehors du chastel. Adont
dist la ung Breton qui trop bien
sçavoit jouer de l’arbalestre :
"Vouléz vous que je vous rende tout mort ce portier
et tout du premier coup ?" "Oil," dist
Aymerigot," je t’en
pry."
Chil arbalestrier entoise et trait ung quarrel et
assenne se portier
de droite visee en la teste et luy
embarre tout dedans. Le portier qui estoit navré
a mort,
se sent feru et rentre en la porte, et cuida refremer
le guichet, mais il ne peut,
car il cheut la tout mort.
Aymerigot et son compaignon se hasterent et
vindrent
a la porte et entrerent ou guichet, si trouverent mort
le portier et sa femme deléz lui toute effraiee, a la
quelle ilz ne firent nul mal, mais lui
demanderent
pb 32 r